QR Úkimetiniń Qaýlysymen Ásel Jubanyshqyzy Janasova QR saýda jáne integratsiia vitse-ministri qyzmetine taǵaiyndaldy. Bul týraly QR Premer-Ministriniń baspasóz qyzmeti habarlady.
Ásel Janasova 1987 jyly Almaty qalasynda týǵan.
2010 jyly QR Prezidentiniń «Bolashaq» halyqaralyq stipendiiasy boiynsha Kembridj ýniversitetin, 2014 jyly Kembridj ýniversitetiniń magistratýrasyn, M. Lomonosov atyndaǵy MMÝ-di «Executive Management» baǵdarlamasy boiynsha bitirgen.
2010 jyldan 2014 jyl aralyǵynda London qalasyndaǵy Eurasian Natural Resources Corporation PLC kompaniiasynda aqparattyq tehnologiialar mamany, Aqparattyq tehnologiialar basqarmasynyń menedjeri, Aqparattyq tehnologiialar qaýipsizdigi departamentiniń direktory bolyp eńbek etti.
2014-2016 jj. aralyǵynda QR Ulttyq bankiniń «Banktik servis biýrosy» RMK direktorynyń keńesshisi, QR Ulttyq bankiniń Tsifrlyq tehnologiialar departamentiniń direktorynyń orynbasary boldy.
2016-2017 jj. — «Zerde» Ulttyq basqarýshy holdingi» AQ basqarma tóraiymy.
2017-2018 jj. — «Astana» Halyqaralyq qarjy ortalyǵynyń basqarýshysynyń keńesshisi.
2018 jyldan qazirgi ýaqytqa deiin «Astana» Halyqaralyq qarjy ortalyǵynyń tsifrlyq tehnologiialar jónindegi basqarýshy direktory qyzmetin atqardy.
