QR Saýda jáne integratsiia ministriniń buiryǵymen Jánibek Nópirov Qazaqstan Respýblikasy Saýda jáne integratsiia ministrligi apparatynyń basshysy qyzmetine taǵaiyndaldy.
Bul týraly QR Premer-Ministriniń baspasóz qyzmeti habarlaidy.
Jánibek Nópirov 1980 jyly Qostanai oblysynda týǵan.
2001 jyly Qaztutynýodaǵy Qaraǵandy ekonomikalyq ýniversitetin, 2005 jyly Qaraǵandy «Bolashaq» ózekti bilim berý institýtyn, 2010 jyly Resei Federatsiiasy Úkimeti janyndaǵy Halyq sharýashylyǵy akademiiasyn bitirgen.
Eńbek jolyn 1999 jyly Astana qalasy boiynsha Qazynashylyq basqarmasynyń tólemderdi retteý jáne baqylaý bóliminiń aǵa qazynashysy qyzmetinen bastady.
2000-2001 jj. — Astana qalasy boiynsha Qazynashylyq basqarmasynyń jetekshi qazynashysy, bas qazynashysy.
2001 jyldan 2006 jyl aralyǵynda Qarjy ministrliginiń qurylymynda bas mamannan bastap basqarma bastyǵyna deiin túrli laýazymdardy atqardy.
2006-2007 jj. — QR Statistika agenttiginiń Ishki ákimshilik departamenti direktorynyń orynbasary.
2007-2008 jj. — QR QM Memlekettik biýdjettiń atqarylýyn taldaý jáne ádistemesi departamenti direktorynyń orynbasary.
2008-2010 jj. — Ekonomika jáne biýdjettik josparlaý ministrliginiń Ekonomikalyq saiasat jáne boljaý departamenti direktorynyń orynbasary, Korporativtik damý departamenti direktorynyń orynbasary, direktory.
2010-2013 jj. respýblikalyq biýdjettiń atqarylýyn baqylaý jónindegi Esep komitetiniń qurylymynda jumys istedi.
2013-2019 jj. — QR Prezident Ákimshiligi bóliminiń konsýltanty, sektor meńgerýshisi. 2019-2021 jj. — QR saýda jáne integratsiia ministrliginiń jaýapty hatshysy.
