Qazaqstan Prezidentiniń atyna kóptegen memleketter men Úkimet basshylarynan jáne halyqaralyq uiymdardyń jetekshilerinen, burynǵy memleket basshylarynan, memleket qairatkerlerinen, diplomatiia jáne qoǵam, isker toptardyń ókilderinen jańa 2021 jylmen quttyqtaǵan jedelhattar kelip túsýde, dep habarlaidy "Ult aqparat" Aqordaǵa silteme jasap.
Resei Prezidenti Vladimir Pýtin Jańa jylmen quttyqtaýynda Resei men Qazaqstan arasyndaǵy qarym-qatynastardyń strategiialyq seriktestik jáne odaqtastyq rýhynda tabysty damyp kele jatqanyn aitqan.
– Biylǵy jyly baýyrlas halyqtarymyzdyń igiligi úshin, Eýraziia qurlyǵyndaǵy turaqtylyq pen qaýipsizdikti nyǵaitý maqsatynda ekijaqty, aimaqtyq jáne halyqaralyq kún tártibindegi ózekti máseleler boiynsha tabysty jumysymyzdy odan ári jalǵastyra beremiz dep senemin. Qurmetti Qasym-Jomart Kemeluly, Sizge jáne jaqyndaryńyzǵa zor densaýlyq pen amandyq, al Qazaqstan halqyna beibitshilik, baqyt jáne ósip-órkendeý tileimin, – delingen Resei basshysynyń jedelhatynda.
Ózbekstan Prezidenti Shavkat Mirziioev óziniń quttyqtaý jedelhatynda 2020 jyly ekijaqty yntymaqtastyqty damytýdaǵy zor jetistikterdi atap ótken. Ózbek kóshbasshysy ózara tiimdi kelisimder men birlesken jobalardyń, onyń ishinde saiasi, saýda-ekonomikalyq, kólik, energetikalyq, ónerkásiptik kooperatsiia boiynsha, mádeni-gýmanitarlyq jáne óńiraralyq yntymaqtastyqtyń qarqyndy júzege asyrylýyn óte joǵary baǵalaǵan. «Bizdiń kóp baǵytty jáne uzaq merzimdi strategiialyq áriptestigimiz ben dostyq qarym-qatynasymyz aldaǵy ýaqytta da qarqyndy dami beretinine senimdimin», – delingen jedelhatta.
Belarýs Prezidenti Aleksandr Lýkashenko Belarýs pen Qazaqstan ózara túsinistikke, berik dostyqqa jáne syilastyqqa qurylǵan uzaq merzimdi seriktestik qarym-qatynastarǵa adaldyǵyn birneshe ret dáleldegenin atap ótken. «2021 jyly biz Belarýs-Qazaqstan yntymaqtastyǵynyń áleýetin tolyq paidalanýǵa, jańa jasampaz bastamalardy júzege asyrýǵa kirisetinimizge senimdimin», – delingen jedelhatta.
Sonymen qatar Qasym-Jomart Toqaevty QHR Tóraǵasy Si Tszinpin, Ázerbaijan Prezidenti Ilham Áliev, Armeniia Prezidenti Armen Sarkisian, Armeniia Premer-ministri Nikol Pashinian, Qyrǵyzstan Prezidentiniń mindetin atqarýshy Talant Mamytov, Tájikstan Prezidenti Emomali Rahmon, Ýkraina Prezidenti Vladimir Zelenskii, Germaniia Prezidenti Frank-Valter Shtainmaier, Germaniianyń Federaldy Kantsleri Angela Merkel, Ulybritaniia Premer-ministri Boris Djonson, BAÁ Prezidenti Halifa ben Zaid Ál Nahaian, BAÁ Vitse-prezidenti, Premer-Ministri Muhammed Ben Rashid Ál Maktým, Abý-Dabidiń taq murageri, BAÁ Qarýly Kúshteri Bas qolbasshysynyń orynbasary Muhammed ben Zaid Ál Nahaian, Iordaniia Koroli II Abdalla, Kýveit Ámiri Navaf ál-Ahmed ál-Djaber as-Sabah, Aýǵanstan Prezidenti Muhammed Ashraf Ǵani, Iran Prezidenti Hasan Rýhani, Mysyr Prezidenti Abdel Fattah As-Sisi, Polsha Prezidenti Andjei Dýda, Finliandiia Prezidenti Saýli Niinistio, Litva Prezidenti Gitanas Naýseda, Latviia Prezidenti Egils Levits, Irlandiia Prezidenti Maikl Higgins, Singapýr Prezidenti Halima Iakob, Sloveniia Prezidenti Borýt Pahor, Horvatiia Prezidenti Zoran Milanovich, Norvegiia Koroli V Harald, Daniia Patshaiymy II Margrete, Jańa Zelandiianyń General-gýbernatory Petsi Reddi, Resei Úkimetiniń Tóraǵasy Mihail Mishýstin, Túrki tildes memleketter yntymaqtastyǵy keńesiniń Bas hatshysy Baǵdad Ámireev, Eýraziialyq ekonomikalyq komissiia alǵasynyń Tóraǵasy Mihail Miasnikovich, TMD Atqarýshy hatshysy – Atqarý komitetiniń tóraǵasy Sergei Lebedev, Ujymdyq qaýipsizdik shart uiymynyń Bas hatshysy Stanislav Zas, NATO-nyń Bas hatshysy Iens Stoltenberg, TÚRKSOI uiymynyń Bas hatshysy Dúisen Qaseiinov, Resei Federatsiiasy Federaldyq Jinalysy Federatsiia Keńesiniń tóraiymy Valentina Matvienko, Máskeý jáne búkil Resei Patriarhy Kirill, BUU Bas hatshysynyń Ortalyq Aziia boiynsha arnaiy ókili Natalia German, Eýraziialyq ekonomikalyq odaq Sotynyń tóraǵasy Jolymbet Báiishev, Horvatiianyń burynǵy Prezidenti Stepan Mesich jáne Singapýrdyń burynǵy Premer-ministr Go Chok Tong jańa jylmen quttyqtap, jedelhat jiberdi.
Budan bólek Memleket basshysynyń atyna Eýraziialyq Damý Banki basqarma tóraǵasy Nikolai Podgýzovtan, Aviatsiia jáne áýe keńistigin paidalaný jónindegi memleketaralyq keńes prezidenti Tatiana Anodinadan, AQSh, Túrkiia, Chehiia, Horvatiia, Estoniia, Resei, Italiia elderiniń Qazaqstandaǵy elshilerinen, «Lýkoil» kompaniiasynyń prezidenti Vagit Alekperovten, VTB Bankiniń prezidenti–basqarma tóraǵasy Andrei Kostinnen, «Grýppa Safmar» AQ direktorlar keńesiniń tóraǵasy Mihail Gýtserievten, Resei Federatsiiasy Orynbor jáne Penza oblystarynyń gýbernatorlary Denis Pasler men Ivan Belozertsevtan, Baiqońyr qalasy Ákimshiliginiń basshysy Konstantin Býsyginnen, «Rossiia segodnia» HAA bas direktory Dmitrii Kiseliovten, Resei Federatsiiasy Birlesken iadrolyq zertteýler institýtynyń direktory Viktor Matveevten quttyqtaý jedelhattary kelip tústi.
