قازاقستان پرەزيدەنتٸنٸڭ اتىنا كٶپتەگەن مەملەكەتتەر مەن ٷكٸمەت باسشىلارىنان جەنە حالىقارالىق ۇيىمداردىڭ جەتەكشٸلەرٸنەن, بۇرىنعى مەملەكەت باسشىلارىنان, مەملەكەت قايراتكەرلەرٸنەن, ديپلوماتييا جەنە قوعام, ٸسكەر توپتاردىڭ ٶكٸلدەرٸنەن جاڭا 2021 جىلمەن قۇتتىقتاعان جەدەلحاتتار كەلٸپ تٷسۋدە, دەپ حابارلايدى "ۇلت اقپارات" اقورداعا سٸلتەمە جاساپ.
رەسەي پرەزيدەنتٸ ۆلاديمير پۋتين جاڭا جىلمەن قۇتتىقتاۋىندا رەسەي مەن قازاقستان اراسىنداعى قارىم-قاتىناستاردىڭ ستراتەگييالىق سەرٸكتەستٸك جەنە وداقتاستىق رۋحىندا تابىستى دامىپ كەلە جاتقانىن ايتقان.
– بيىلعى جىلى باۋىرلاس حالىقتارىمىزدىڭ يگٸلٸگٸ ٷشٸن, ەۋرازييا قۇرلىعىنداعى تۇراقتىلىق پەن قاۋٸپسٸزدٸكتٸ نىعايتۋ ماقساتىندا ەكٸجاقتى, ايماقتىق جەنە حالىقارالىق كٷن تەرتٸبٸندەگٸ ٶزەكتٸ مەسەلەلەر بويىنشا تابىستى جۇمىسىمىزدى ودان ەرٸ جالعاستىرا بەرەمٸز دەپ سەنەمٸن. قۇرمەتتٸ قاسىم-جومارت كەمەلۇلى, سٸزگە جەنە جاقىندارىڭىزعا زور دەنساۋلىق پەن اماندىق, ال قازاقستان حالقىنا بەيبٸتشٸلٸك, باقىت جەنە ٶسٸپ-ٶركەندەۋ تٸلەيمٸن, – دەلٸنگەن رەسەي باسشىسىنىڭ جەدەلحاتىندا.
ٶزبەكستان پرەزيدەنتٸ شاۆكات ميرزييوەۆ ٶزٸنٸڭ قۇتتىقتاۋ جەدەلحاتىندا 2020 جىلى ەكٸجاقتى ىنتىماقتاستىقتى دامىتۋداعى زور جەتٸستٸكتەردٸ اتاپ ٶتكەن. ٶزبەك كٶشباسشىسى ٶزارا تيٸمدٸ كەلٸسٸمدەر مەن بٸرلەسكەن جوبالاردىڭ, ونىڭ ٸشٸندە ساياسي, ساۋدا-ەكونوميكالىق, كٶلٸك, ەنەرگەتيكالىق, ٶنەركەسٸپتٸك كووپەراتسييا بويىنشا, مەدەني-گۋمانيتارلىق جەنە ٶڭٸرارالىق ىنتىماقتاستىقتىڭ قارقىندى جٷزەگە اسىرىلۋىن ٶتە جوعارى باعالاعان. «بٸزدٸڭ كٶپ باعىتتى جەنە ۇزاق مەرزٸمدٸ ستراتەگييالىق ەرٸپتەستٸگٸمٸز بەن دوستىق قارىم-قاتىناسىمىز الداعى ۋاقىتتا دا قارقىندى دامي بەرەتٸنٸنە سەنٸمدٸمٸن», – دەلٸنگەن جەدەلحاتتا.
بەلارۋس پرەزيدەنتٸ الەكساندر لۋكاشەنكو بەلارۋس پەن قازاقستان ٶزارا تٷسٸنٸستٸككە, بەرٸك دوستىققا جەنە سىيلاستىققا قۇرىلعان ۇزاق مەرزٸمدٸ سەرٸكتەستٸك قارىم-قاتىناستارعا ادالدىعىن بٸرنەشە رەت دەلەلدەگەنٸن اتاپ ٶتكەن. «2021 جىلى بٸز بەلارۋس-قازاقستان ىنتىماقتاستىعىنىڭ ەلەۋەتٸن تولىق پايدالانۋعا, جاڭا جاسامپاز باستامالاردى جٷزەگە اسىرۋعا كٸرٸسەتٸنٸمٸزگە سەنٸمدٸمٸن», – دەلٸنگەن جەدەلحاتتا.
سونىمەن قاتار قاسىم-جومارت توقاەۆتى قحر تٶراعاسى سي تسزينپين, ەزەربايجان پرەزيدەنتٸ يلحام ەليەۆ, ارمەنييا پرەزيدەنتٸ ارمەن ساركيسيان, ارمەنييا پرەمەر-مينيسترٸ نيكول پاشينيان, قىرعىزستان پرەزيدەنتٸنٸڭ مٸندەتٸن اتقارۋشى تالانت مامىتوۆ, تەجٸكستان پرەزيدەنتٸ ەمومالي راحمون, ۋكراينا پرەزيدەنتٸ ۆلاديمير زەلەنسكيي, گەرمانييا پرەزيدەنتٸ فرانك-ۆالتەر شتاينمايەر, گەرمانييانىڭ فەدەرالدى كانتسلەرٸ انگەلا مەركەل, ۇلىبريتانييا پرەمەر-مينيسترٸ بوريس دجونسون, باە پرەزيدەنتٸ حاليفا بەن زايد ەل ناحايان, باە ۆيتسە-پرەزيدەنتٸ, پرەمەر-مينيسترٸ مۇحاممەد بەن راشيد ەل ماكتۋم, ابۋ-دابيدٸڭ تاق مۇراگەرٸ, باە قارۋلى كٷشتەرٸ باس قولباسشىسىنىڭ ورىنباسارى مۇحاممەد بەن زايد ەل ناحايان, يوردانييا كورولٸ II ابداللا, كۋۆەيت ەمٸرٸ ناۆاف ەل-احمەد ەل-دجابەر اس-ساباح, اۋعانستان پرەزيدەنتٸ مۇحاممەد اشراف عاني, يران پرەزيدەنتٸ حاسان رۋحاني, مىسىر پرەزيدەنتٸ ابدەل فاتتاح اس-سيسي, پولشا پرەزيدەنتٸ اندجەي دۋدا, فينلياندييا پرەزيدەنتٸ ساۋلي نيينيستيو, ليتۆا پرەزيدەنتٸ گيتاناس ناۋسەدا, لاتۆييا پرەزيدەنتٸ ەگيلس لەۆيتس, يرلاندييا پرەزيدەنتٸ مايكل حيگگينس, سينگاپۋر پرەزيدەنتٸ حاليما ياكوب, سلوۆەنييا پرەزيدەنتٸ بورۋت پاحور, حورۆاتييا پرەزيدەنتٸ زوران ميلانوۆيچ, نورۆەگييا كورولٸ V حارالد, دانييا پاتشايىمى II مارگرەتە, جاڭا زەلاندييانىڭ گەنەرال-گۋبەرناتورى پەتسي رەددي, رەسەي ٷكٸمەتٸنٸڭ تٶراعاسى ميحايل ميشۋستين, تٷركٸ تٸلدەس مەملەكەتتەر ىنتىماقتاستىعى كەڭەسٸنٸڭ باس حاتشىسى باعداد ەمٸرەەۆ, ەۋرازييالىق ەكونوميكالىق كوميسسييا العاسىنىڭ تٶراعاسى ميحايل مياسنيكوۆيچ, تمد اتقارۋشى حاتشىسى – اتقارۋ كوميتەتٸنٸڭ تٶراعاسى سەرگەي لەبەدەۆ, ۇجىمدىق قاۋٸپسٸزدٸك شارت ۇيىمىنىڭ باس حاتشىسى ستانيسلاۆ زاس, ناتو-نىڭ باس حاتشىسى يەنس ستولتەنبەرگ, تٷركسوي ۇيىمىنىڭ باس حاتشىسى دٷيسەن قاسەيٸنوۆ, رەسەي فەدەراتسيياسى فەدەرالدىق جينالىسى فەدەراتسييا كەڭەسٸنٸڭ تٶرايىمى ۆالەنتينا ماتۆيەنكو, مەسكەۋ جەنە بٷكٸل رەسەي پاتريارحى كيريلل, بۇۇ باس حاتشىسىنىڭ ورتالىق ازييا بويىنشا ارنايى ٶكٸلٸ ناتاليا گەرمان, ەۋرازييالىق ەكونوميكالىق وداق سوتىنىڭ تٶراعاسى جولىمبەت بەيٸشەۆ, حورۆاتييانىڭ بۇرىنعى پرەزيدەنتٸ ستەپان مەسيچ جەنە سينگاپۋردىڭ بۇرىنعى پرەمەر-مينيستر گو چوك تونگ جاڭا جىلمەن قۇتتىقتاپ, جەدەلحات جٸبەردٸ.
بۇدان بٶلەك مەملەكەت باسشىسىنىڭ اتىنا ەۋرازييالىق دامۋ بانكٸ باسقارما تٶراعاسى نيكولاي پودگۋزوۆتان, اۆياتسييا جەنە ەۋە كەڭٸستٸگٸن پايدالانۋ جٶنٸندەگٸ مەملەكەتارالىق كەڭەس پرەزيدەنتٸ تاتيانا انودينادان, اقش, تٷركييا, چەحييا, حورۆاتييا, ەستونييا, رەسەي, يتالييا ەلدەرٸنٸڭ قازاقستانداعى ەلشٸلەرٸنەن, «لۋكويل» كومپانيياسىنىڭ پرەزيدەنتٸ ۆاگيت الەكپەروۆتەن, ۆتب بانكٸنٸڭ پرەزيدەنتٸ–باسقارما تٶراعاسى اندرەي كوستيننەن, «گرۋپپا سافمار» اق ديرەكتورلار كەڭەسٸنٸڭ تٶراعاسى ميحايل گۋتسەريەۆتەن, رەسەي فەدەراتسيياسى ورىنبور جەنە پەنزا وبلىستارىنىڭ گۋبەرناتورلارى دەنيس پاسلەر مەن يۆان بەلوزەرتسەۆتان, بايقوڭىر قالاسى ەكٸمشٸلٸگٸنٸڭ باسشىسى كونستانتين بۋسىگيننەن, «روسسييا سەگودنيا» حاا باس ديرەكتورى دميتريي كيسەليوۆتەن, رەسەي فەدەراتسيياسى بٸرلەسكەن يادرولىق زەرتتەۋلەر ينستيتۋتىنىڭ ديرەكتورى ۆيكتور ماتۆەەۆتەن قۇتتىقتاۋ جەدەلحاتتارى كەلٸپ تٷستٸ.
