QR Prezidenti Joldaýdy iske asyrý jónindegi jalpyulttyq is-sharalar josparyn bekitti

Memleket basshysy Qasym-Jomart Toqaev Qazaqstan halqyna arnalǵan Joldaýdy iske asyrý jónindegi jalpyulttyq is-sharalar josparyn bekitti, dep habarlaidy "Ult aqparat".

Aqorda «Memleket basshysynyń 2019 jylǵy 2 qyrkúiektegi «Syndarly qoǵamdyq dialog - Qazaqstannyń turaqtylyǵy men órkendeýiniń negizi» atty Qazaqstan halqyna Joldaýyn iske asyrý jónindegi sharalar týraly» QR Prezidentiniń 2019 jylǵy 10 qyrkúiektegi №152 Jarlyǵyna túsinik berdi.

«Memleket basshysy 2019 jylǵy 2 qyrkúiektegi «Syndarly qoǵamdyq dialog - Qazaqstannyń turaqtylyǵy men órkendeýiniń negizi» atty Joldaýyn iske asyrý jónindegi jalpyulttyq is-sharalar josparyn bekitti. Jalpyulttyq jospar azamattyq qoǵamdy damytý, aýyr qylmystar boiynsha qylmystyq zańnamany qatańdatý, ákimshilik iýstitsiiany engizý, shaǵyn jáne orta biznesti qoldaý, paidalanylmaityn aýyl sharýashylyǵy jerlerin memleketke qaitarý, taýarlar men qyzmetterdiń qunyn tómendetý, básekelestikti damytý, áleýmettik saiasatty ońaltý, bilim berý sapasyn arttyrý, qazaqstandyqtardyń óz zeinetaqy jinaqtaryn paidalanýǵa múmkindik berý jáne t.b. birqatar salalar boiynsha naqty is-sharalardy qamtidy», - delingen taratylǵan habarlamada.

Sondai-aq Joldaýda jariialanǵan bastamalardy qarjylandyrýǵa baǵyttalǵan sharalar qarastyrylǵan, onyń ishinde Ishki ister ministrligin reformalaýǵa, pedagogtar men mádeniet jáne óner qyzmetkerleriniń jalaqysyn ósirýge, biznesti qoldaý baǵdarlamalaryn iske asyrýǵa, infraqurylymdy damytýǵa jáne t.b..

Joldaýdyń barlyq baǵyttarynyń iske asyrylýyn normativtik qamtamasyz etý úshin Ákimshilik rásimdik-protsessýaldyq kodeks, 17 zań, Prezidenttiń 4 Jarlyǵy men Úkimettiń 16 qaýlysy ázirlenip, qabyldanatyn bolady.

Sonymen qatar, Memleket basshysynyń tapsyrmalaryn eskere otyryp Úkimet jańa memlekettik baǵdarlamalardy bekitip, qoldanystaǵy memlekettik baǵdarlamalarǵa ózgerister men tolyqtyrýlar engizetin bolady (indýstrialdyq-innovatsiialyq damytý, «Biznestiń jol kartasy-2025», «Eńbek» nátijeli jumyspen qamtýdy jáne jappai kásipkerlikti damytý, bilim jáne ǵylymdy damytý, «Nurly jer» jáne t.b.).

Is-sharalardyń basym bóligin aǵymdaǵy jyldyń sońyna deiin iske asyrý josparlanýda.

Memleket basshysynyń barlyq bastamalarynyń múltiksiz jáne ýaqtyly oryndalýyn Prezident Ákimshiligi qadaǵalaityn bolady.