QR Prezidenti Qasym-Jomart Toqaev «Ulttyq ǵylymi meditsina ortalyǵy» AQ basqarma tóraǵasy Abai Baigenjindi qabyldady, dep habarlaidy "Ult aqparat" Aqordanyń baspasóz qyzmetine silteme jasap.
Abai Baigenjin Qasym-Jomart Toqaevqa Ulttyq ǵylymi meditsina ortalyǵy atqarǵan jumystardyń qorytyndylary týraly baiandady.
Basqarma tóraǵasynyń aitýynsha, ortalyq qurylǵannan beri 174 myń adam emdelip shyqqan. 81 myń azamattyń júregine ota jasalǵan. 61,5 myń naýqasqa jalpy ota jasalyp, emdelgen. Onyń 70% jańa tehnologiialarmen ota jasalǵan.
Abai Baigenjin otany jańa tehnologiialarmen jasaý arqyly adam aǵzalaryn saqtap qalýǵa múmkindik bar ekenin aitty. Sonymen qatar osyndai ota jasaýdyń arqasynda kóptegen ǵylymi-zertteý jumystarynyń júrgizilgenin jetkizdi.
Budan bólek Ulttyq ǵylymi meditsina ortalyǵy onkologiialyq aýrýlarǵa shaldyqqan naýqastardy emdep, 477 adamnyń qulan-taza aiyǵyp ketýine septigin tigizgen. Basqarma tóraǵasy pandemiia kezinde koronavirýs juqtyrǵan azamattardy emdegenderin de atap ótti.
Kezdesý sońynda Memleket basshysy ortalyqtyń halyq densaýlyǵyn saqtaýda úlken jumys atqaryp jatqanyn aityp, aldaǵy qyzmetterine tilektestik bildirdi.
