قر پرەزيدەنتٸ قاسىم-جومارت توقاەۆ «ۇلتتىق عىلىمي مەديتسينا ورتالىعى» اق باسقارما تٶراعاسى اباي بايگەنجيندٸ قابىلدادى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
اباي بايگەنجين قاسىم-جومارت توقاەۆقا ۇلتتىق عىلىمي مەديتسينا ورتالىعى اتقارعان جۇمىستاردىڭ قورىتىندىلارى تۋرالى باياندادى.
باسقارما تٶراعاسىنىڭ ايتۋىنشا, ورتالىق قۇرىلعاننان بەرٸ 174 مىڭ ادام ەمدەلٸپ شىققان. 81 مىڭ ازاماتتىڭ جٷرەگٸنە وتا جاسالعان. 61,5 مىڭ ناۋقاسقا جالپى وتا جاسالىپ, ەمدەلگەن. ونىڭ 70% جاڭا تەحنولوگييالارمەن وتا جاسالعان.
اباي بايگەنجين وتانى جاڭا تەحنولوگييالارمەن جاساۋ ارقىلى ادام اعزالارىن ساقتاپ قالۋعا مٷمكٸندٸك بار ەكەنٸن ايتتى. سونىمەن قاتار وسىنداي وتا جاساۋدىڭ ارقاسىندا كٶپتەگەن عىلىمي-زەرتتەۋ جۇمىستارىنىڭ جٷرگٸزٸلگەنٸن جەتكٸزدٸ.
بۇدان بٶلەك ۇلتتىق عىلىمي مەديتسينا ورتالىعى ونكولوگييالىق اۋرۋلارعا شالدىققان ناۋقاستاردى ەمدەپ, 477 ادامنىڭ قۇلان-تازا ايىعىپ كەتۋٸنە سەپتٸگٸن تيگٸزگەن. باسقارما تٶراعاسى پاندەمييا كەزٸندە كوروناۆيرۋس جۇقتىرعان ازاماتتاردى ەمدەگەندەرٸن دە اتاپ ٶتتٸ.
كەزدەسۋ سوڭىندا مەملەكەت باسشىسى ورتالىقتىڭ حالىق دەنساۋلىعىن ساقتاۋدا ٷلكەن جۇمىس اتقارىپ جاتقانىن ايتىپ, الداعى قىزمەتتەرٸنە تٸلەكتەستٸك بٸلدٸردٸ.
