Búgin jetinshi shaqyrylǵan QR Parlamentiniń birinshi sessiiasynda Prezident Qasym-Jomart Toqaev sot júiesiniń táýelsizdigin nyǵaita túsý úshin reformany sońyna deiin jetkizýimiz kerektigin aitty, dep habarlaidy "Ult aqparat".
«Azamattardyń quqyqtary laiyqty qorǵalmasa, áleýmettik-ekonomikalyq turǵydan damý múmkin emes. Bul – aksioma, aqiqat. Osy oraida, sot júiesiniń táýelsizdigin nyǵaita túsý úshin reformany sońyna deiin jetkizýimiz kerek, - dedi Prezident.
Q. Toqaevtyń aitýynsha, memleket tarapynan qolǵa alynǵan sharalarǵa jáne Joǵarǵy sot tóraǵasynyń tikelei ózi kúsh salyp jatqanyna qaramastan, sot korpýsynyń sapasyna qatysty áli de túitkilder bar.
«Sot júiesi jabyq korporatsiia bolmaýǵa tiis. Sondyqtan, sot korpýsyn edáýir jańartyp, oǵan túrli quqyq salalarynyń mamandaryn tartý kerek. Úmitkerlerdi iriktegen kezde olardyń kásibi tájiribesimen qatar, jeke qasietterin de eskergen abzal. Bul jumys buqaralyq aqparat quraldarynda ashyq kórsetilýge tiis», - dedi Memleket basshysy.
