Memleket basshysy Qasym-Jomart Toqaev Sooronbai Jeenbekovke kóńil aitý jedelhatyn joldady. Bul týraly QR Prezidentiniń baspasóz hatshysy Berik Ýáli jelidegi paraqshasynda jazdy.
Memleket basshysy Qasym-Jomart Toqaev Qyrǵyz Prezidenti Sooronbai Jeenbekovke Qyrǵyzstanda koronavirýs pandemiiasynyń qurbandaryn eske alý úshin ulttyq aza tutý kúni dep jariialanýyna bailanysty kóńil aitý jedelhatyn joldady.
«Qazaqstan halqynyń jáne jeke ózimniń atymnan koronavirýs pandemiiasy saldarynan qaitys bolǵan baýyrlas qyrǵyz azamattaryn ulttyq aza tutý kúninde qaiǵylaryńyzǵa ortaqtasyp, qoldaý kórsetýdi jón sanadym. Osyndai qiyn-qystaý kezeńde mezgilsiz qaitys bolǵan adamdardyń jaqyndary men týystarynyń orny tolmas qaiǵysymen bólisemin, al qazirgi ýaqytta aty jaman indetpen kúresip jatqan naýqastardyń tezirek saýyǵyp ketýine tilektestik bildiremin», – delingen jedelhatta.
Qasym-Jomart Toqaev qabyldanǵan naqty sharalardyń, qyrǵyz halqynyń yntymaǵy men birligi eldegi epidemiologiialyq ahýaldy tez arada turaqtandyrýǵa múmkindik beretinine senim bildirdi. Sondai-aq Qazaqstannyń árdaiym baýyrlas Qyrǵyzstan halqyna qajetti kómek kórsetýge jáne koronavirýs indetine qarsy birlesip kúresý úshin kúsh biriktirýge daiyn ekenin jetkizdi.
