Qazaqstan Respýblikasynyń Prezidenti Nursultan Nazarbaev Sochi qalasynda ótip jatqan TMD-ǵa múshe memleketterdiń basshylary keńesine qatysyp jatyr, dep habarlaidy «QazAqparat» tilshisi.
Sálemdesý jáne birge fotosýretke túsý rásiminen keiin memleket basshylary shaǵyn jáne keńeitilgen quramda otyrys ótkizedi.
Sammittiń kún tártibine Dostastyq aiasynda ózara tiimdi seriktestikti budan ári tereńdetý, sonymen qatar ony qazirgi zamannyń talaptaryna beiimdeý máseleleri engizilgen.
Memleket basshylary otbasy inistitýty men dástúrli otbasylyq qundylyqtardy qoldaý týraly málimdeme jasaityn bolady.
Sammit barysynda memleket basshylary Armeniianyń Goris, Belarýstiń Brest jáne Qazaqstannyń Shymkent qalalary sekildi iri shaharlar arqyly memleketaralyq «Yntymaqtastyqtyń mádeni astanasy» baǵdarlamasyn júzege asyrý týraly sheshim qabyldaidy dep kútilip otyr. Sonymen birge, prezidentter qaýipsizdik, qorǵanys, sybailas jemqorlyqqa qarsy kúres, beibit maqsatta ǵaryshty zertteý jáne qoldaný, mádeni-gýmanitarlyq seriktestik salalary boiynsha qarym-qatynasty kúsheitý máselelerine nazar aýdaryp, 2018 jyly TMD-nyń tóraǵalyǵy máselesin talqylaidy.
Sondai-aq Memleket basshylary TMD-nyń joǵarǵy organdarynyń quzyretterin jikteýge baǵyttalǵan birqatar sheshimderge qol qoiý josparlanǵan. Bul qujattardy qabyldaý arqyly Memleket basshylarynyń keńesi sáikesinshe quzyretterdi Úkimet basshylarynyń keńesine, syrtqy ister ministrlerine, qorǵanys vedomstvolary men Ekonomikalyq keńeske tabystai otyryp, Yntymaqtastyqtyń damý strategiiasynyń negizgi máselelerin talqylai alady.
Aita keterligi, 2015 jyly TMD elderiniń Býrabaida ótken sammitinde Qazaqstan Prezidenti Nursultan Nazarbaev TMD-ny transoformatsiialaý bastamasyn kótergen bolatyn. Budan keiingi Bishkekte ótken kelesi kezdesýde Yntymaqtas elderdiń basshylary atalǵan integratsiialyq birlestikti qazirgi zamannyń talabyna sáikes beiimdeý týraly sheshim qabyldaǵan.
