قازاقستان رەسپۋبليكاسىنىڭ پرەزيدەنتٸ نۇرسۇلتان نازارباەۆ سوچي قالاسىندا ٶتٸپ جاتقان تمد-عا مٷشە مەملەكەتتەردٸڭ باسشىلارى كەڭەسٸنە قاتىسىپ جاتىر, دەپ حابارلايدى «قازاقپارات» تٸلشٸسٸ.
سەلەمدەسۋ جەنە بٸرگە فوتوسۋرەتكە تٷسۋ رەسٸمٸنەن كەيٸن مەملەكەت باسشىلارى شاعىن جەنە كەڭەيتٸلگەن قۇرامدا وتىرىس ٶتكٸزەدٸ.
سامميتتٸڭ كٷن تەرتٸبٸنە دوستاستىق اياسىندا ٶزارا تيٸمدٸ سەرٸكتەستٸكتٸ بۇدان ەرٸ تەرەڭدەتۋ, سونىمەن قاتار ونى قازٸرگٸ زاماننىڭ تالاپتارىنا بەيٸمدەۋ مەسەلەلەرٸ ەنگٸزٸلگەن.
مەملەكەت باسشىلارى وتباسى ينيستيتۋتى مەن دەستٷرلٸ وتباسىلىق قۇندىلىقتاردى قولداۋ تۋرالى مەلٸمدەمە جاسايتىن بولادى.
سامميت بارىسىندا مەملەكەت باسشىلارى ارمەنييانىڭ گوريس, بەلارۋستٸڭ برەست جەنە قازاقستاننىڭ شىمكەنت قالالارى سەكٸلدٸ ٸرٸ شاھارلار ارقىلى مەملەكەتارالىق «ىنتىماقتاستىقتىڭ مەدەني استاناسى» باعدارلاماسىن جٷزەگە اسىرۋ تۋرالى شەشٸم قابىلدايدى دەپ كٷتٸلٸپ وتىر. سونىمەن بٸرگە, پرەزيدەنتتەر قاۋٸپسٸزدٸك, قورعانىس, سىبايلاس جەمقورلىققا قارسى كٷرەس, بەيبٸت ماقساتتا عارىشتى زەرتتەۋ جەنە قولدانۋ, مەدەني-گۋمانيتارلىق سەرٸكتەستٸك سالالارى بويىنشا قارىم-قاتىناستى كٷشەيتۋ مەسەلەلەرٸنە نازار اۋدارىپ, 2018 جىلى تمد-نىڭ تٶراعالىعى مەسەلەسٸن تالقىلايدى.
سونداي-اق مەملەكەت باسشىلارى تمد-نىڭ جوعارعى ورگاندارىنىڭ قۇزىرەتتەرٸن جٸكتەۋگە باعىتتالعان بٸرقاتار شەشٸمدەرگە قول قويۋ جوسپارلانعان. بۇل قۇجاتتاردى قابىلداۋ ارقىلى مەملەكەت باسشىلارىنىڭ كەڭەسٸ سەيكەسٸنشە قۇزىرەتتەردٸ ٷكٸمەت باسشىلارىنىڭ كەڭەسٸنە, سىرتقى ٸستەر مينيسترلەرٸنە, قورعانىس ۆەدومستۆولارى مەن ەكونوميكالىق كەڭەسكە تابىستاي وتىرىپ, ىنتىماقتاستىقتىڭ دامۋ ستراتەگيياسىنىڭ نەگٸزگٸ مەسەلەلەرٸن تالقىلاي الادى.
ايتا كەتەرلٸگٸ, 2015 جىلى تمد ەلدەرٸنٸڭ بۋرابايدا ٶتكەن سامميتٸندە قازاقستان پرەزيدەنتٸ نۇرسۇلتان نازارباەۆ تمد-نى ترانسوفورماتسييالاۋ باستاماسىن كٶتەرگەن بولاتىن. بۇدان كەيٸنگٸ بٸشكەكتە ٶتكەن كەلەسٸ كەزدەسۋدە ىنتىماقتاس ەلدەردٸڭ باسشىلارى اتالعان ينتەگراتسييالىق بٸرلەستٸكتٸ قازٸرگٸ زاماننىڭ تالابىنا سەيكەس بەيٸمدەۋ تۋرالى شەشٸم قابىلداعان.
