Qazaqstan Prezidenti Qasym-Jomart Toqaev Myrzakentte salynyp jatqan turǵyn úilerdiń sapasyna erekshe nazar aýdarý qajettigin eskertti. Bul týraly Memleket basshysy óziniń Twitter-degi paraqshasynda jazdy, dep habarlaidy "Ult aqparat".
«Túrkistan oblysyna sapar aiasynda Sardoba sý qoimasyndaǵy bógettiń jarylýy saldarynan úisiz qalǵan Myrzakent aýylynyń turǵyndary úshin turǵyzylǵan jańa yqsham aýdandy qarap shyqtym. Qurylys jumystarynyń sapasyna erekshe nazar aýdarǵan jón»,-dep jazdy Qasym-Jomart Toqaev.
Aita keteiik, Memleket basshysy búgin jumys saparymen Túrkistan oblysyna bardy.
Prezident saparyn Sardoba sý qoimasyndaǵy apattan zardap shekken turǵyndar úshin Myrzakent aýylynda salynyp jatqan jańa yqshamaýdannyń qurylysymen tanysýdan bastady.
Sondai-aq Memleket basshysy Arys qalasyndaǵy áskeri poligonǵa bardy.
Keiinirek Arys qalasyn qalpyna keltirý jumystarymen tanysty.
