قازاقستان پرەزيدەنتٸ قاسىم-جومارت توقاەۆ مىرزاكەنتتە سالىنىپ جاتقان تۇرعىن ٷيلەردٸڭ ساپاسىنا ەرەكشە نازار اۋدارۋ قاجەتتٸگٸن ەسكەرتتٸ. بۇل تۋرالى مەملەكەت باسشىسى ٶزٸنٸڭ Twitter-دەگٸ پاراقشاسىندا جازدى, دەپ حابارلايدى "ۇلت اقپارات".
«تٷركٸستان وبلىسىنا ساپار اياسىندا ساردوبا سۋ قويماسىنداعى بٶگەتتٸڭ جارىلۋى سالدارىنان ٷيسٸز قالعان مىرزاكەنت اۋىلىنىڭ تۇرعىندارى ٷشٸن تۇرعىزىلعان جاڭا ىقشام اۋداندى قاراپ شىقتىم. قۇرىلىس جۇمىستارىنىڭ ساپاسىنا ەرەكشە نازار اۋدارعان جٶن»,-دەپ جازدى قاسىم-جومارت توقاەۆ.
ايتا كەتەيٸك, مەملەكەت باسشىسى بٷگٸن جۇمىس ساپارىمەن تٷركٸستان وبلىسىنا باردى.
پرەزيدەنت ساپارىن ساردوبا سۋ قويماسىنداعى اپاتتان زارداپ شەككەن تۇرعىندار ٷشٸن مىرزاكەنت اۋىلىندا سالىنىپ جاتقان جاڭا ىقشاماۋداننىڭ قۇرىلىسىمەن تانىسۋدان باستادى.
سونداي-اق مەملەكەت باسشىسى ارىس قالاسىنداعى ەسكەري پوليگونعا باردى.
كەيٸنٸرەك ارىس قالاسىن قالپىنا كەلتٸرۋ جۇمىستارىمەن تانىستى.
