QR Prezidenti Qasym-Jomart Toqaev qazaqstandyq qutqarýshylardy kásibi merekemen quttyqtady, dep habarlaidy "Ult aqparat".
«Elimizdegi qutqarýshylardy kásibi merekelerimen quttyqtaimyn! Sizder qiyndyqqa ushyraǵandarǵa kómek berip, eren erliktiń úlgisin kórsetip kelesizder. Qutqarýshylardyń túrli apat saldaryn joiýǵa sińirgen eńbegi zor. Qaita qurylǵan ministrlik qyzmetkerlerine tabys tileimin!», - dep jazdy Memleket basshysy Twitter-de.
Eske salaiyq, Qutqarýshylar kúni Qazaqstanda jyl saiyn 19 qazanda atap ótiledi. Bul ataýly kúnniń bekitilýi elimizde Tótenshe jaǵdailar jónindegi ortalyq memlekettik komitettiń qurylýymen bailanysty.
QR Prezidenti Qasym-Jomart Toqaevtyń Jarlyǵymen biylǵy 9 qyrkúiekte elimizde Tótenshe jaǵdailar ministrligi qaita quryldy.
