QR Prezidenti Qasym-Jomart Toqaev qazaqstandyqtardy Qurban ait merekesimen quttyqtady, dep habarlaidy "Ult aqparat" Aqordaǵa silteme jasap.
***
Qurmetti otandastar!
Barshańyzdy qasietti Qurban ait merekesimen shyn júrekten quttyqtaimyn!
Asyl dinimiz ben salt-dástúrimizdiń sabaqtastyǵyn bekemdep, rýhani qundylyǵymyzdyń ajyramas bóligine ainalǵan qasterli meiramnyń kúlli musylman áleminde alatyn orny erekshe.
Tarihymyzben tamyrlas, tanymymyzben ózektes Qurban ait Qazaqstan halqyn beibitshilik pen tatýlyqqa, ózara syilastyqqa, bereke-birlikke úndeidi. Imandylyq pen parasattylyqty, jasampazdyq pen meiirimdi dáriptep, jaqsylyqqa jol ashady.
Búginde jalpy adamzatqa aýyr salmaq salyp otyrǵan qaýipti indetti jeńip shyǵý úshin bizge tas-túiin aýyzbirshilik pen temirdei tártip qajet. Qazirgidei kúrdeli kezeńde bir-birimizge qol ushyn berip, barymyzdy bólisip, jurtymyzdyń aman-saýlyǵyn oilap, jaýapkershilik tanytýymyz asa mańyzdy. Tilegimiz bir, nietimiz ortaq bolsa, maqsatymyzǵa jetemiz. Birligimizdi bekemdep, yntymaǵymyzdy arttyratyn bul merekeniń mán-maǵynasy da osynda ekenin basa aitqym keledi.
«Sabyr – sáýletti bailyq» deidi halqymyz. Rýhy asqaq el retinde barlyq synaqty eńseretinimizge senemin.
Ár shańyraqqa qut-bereke tileimin! Halqymyzdyń amandyǵy úshin shalǵan qurbandyqtaryńyz qabyl bolsyn! Qurban ait barshamyzǵa jaqsylyq ákelsin!
