قر پرەزيدەنتٸ قاسىم-جومارت توقاەۆ قازاقستاندىقتاردى قۇربان ايت مەرەكەسٸمەن قۇتتىقتادى, دەپ حابارلايدى "ۇلت اقپارات" اقورداعا سٸلتەمە جاساپ.
***
قۇرمەتتٸ وتانداستار!
بارشاڭىزدى قاسيەتتٸ قۇربان ايت مەرەكەسٸمەن شىن جٷرەكتەن قۇتتىقتايمىن!
اسىل دٸنٸمٸز بەن سالت-دەستٷرٸمٸزدٸڭ ساباقتاستىعىن بەكەمدەپ, رۋحاني قۇندىلىعىمىزدىڭ اجىراماس بٶلٸگٸنە اينالعان قاستەرلٸ مەيرامنىڭ كٷللٸ مۇسىلمان ەلەمٸندە الاتىن ورنى ەرەكشە.
تاريحىمىزبەن تامىرلاس, تانىمىمىزبەن ٶزەكتەس قۇربان ايت قازاقستان حالقىن بەيبٸتشٸلٸك پەن تاتۋلىققا, ٶزارا سىيلاستىققا, بەرەكە-بٸرلٸككە ٷندەيدٸ. يماندىلىق پەن پاراساتتىلىقتى, جاسامپازدىق پەن مەيٸرٸمدٸ دەرٸپتەپ, جاقسىلىققا جول اشادى.
بٷگٸندە جالپى ادامزاتقا اۋىر سالماق سالىپ وتىرعان قاۋٸپتٸ ٸندەتتٸ جەڭٸپ شىعۋ ٷشٸن بٸزگە تاس-تٷيٸن اۋىزبٸرشٸلٸك پەن تەمٸردەي تەرتٸپ قاجەت. قازٸرگٸدەي كٷردەلٸ كەزەڭدە بٸر-بٸرٸمٸزگە قول ۇشىن بەرٸپ, بارىمىزدى بٶلٸسٸپ, جۇرتىمىزدىڭ امان-ساۋلىعىن ويلاپ, جاۋاپكەرشٸلٸك تانىتۋىمىز اسا ماڭىزدى. تٸلەگٸمٸز بٸر, نيەتٸمٸز ورتاق بولسا, ماقساتىمىزعا جەتەمٸز. بٸرلٸگٸمٸزدٸ بەكەمدەپ, ىنتىماعىمىزدى ارتتىراتىن بۇل مەرەكەنٸڭ مەن-ماعىناسى دا وسىندا ەكەنٸن باسا ايتقىم كەلەدٸ.
«سابىر – سەۋلەتتٸ بايلىق» دەيدٸ حالقىمىز. رۋحى اسقاق ەل رەتٸندە بارلىق سىناقتى ەڭسەرەتٸنٸمٸزگە سەنەمٸن.
ەر شاڭىراققا قۇت-بەرەكە تٸلەيمٸن! حالقىمىزدىڭ اماندىعى ٷشٸن شالعان قۇرباندىقتارىڭىز قابىل بولسىن! قۇربان ايت بارشامىزعا جاقسىلىق ەكەلسٸن!
