Erteń Qazaqstan Prezidenti Nursultan Nazarbaev sýbulttyq reitingtiń jeńimpazy atanǵan ákimdi marapattaidy. Bul týraly búgin elordada ótip jatqan «Kazakhstan Global Investment Roundtable» forýmynda QR Premer-Ministri Baqytjan Saǵyntaev aitty, dep habarlaidy QazAqparat.
«Úkimet investitsiialyq ahýal kóp jaǵdaida jergilikti jerlerdegi bilik organdarynyń is-áreketine bailanysty ekendigin túsinedi. Sondyqtan da biz aǵymdaǵy jyly sýbulttyq reiting dep atalatyn biznes júrgizýdiń jeńildigi boiynsha óńirlerdi baǵalaýdyń jańa reitingin engizdik. Erteń Memleket basshysy atalǵan sýbulttyq reiting aiasynda birinshi oryn alǵan ákimge júlde tabystaidy», - dedi QR Premer-Ministri.
Sonymen qatar Baqytjan Saǵyntaev investitsiia úshin álemdik báseke artyp otyrǵan zamanda árbir investor úshin kúresý qajettigin basa aitty.
«Biz oǵan daiynbyz. Búgin Qazaqstan Úkimeti investorlar úshin barynsha qolaily jaǵdai jasaý saiasatynan óziniń taimaityndyǵyn málimdeidi», - dedi Úkimet basshysy.
.jpeg)