ەرتەڭ قازاقستان پرەزيدەنتٸ نۇرسۇلتان نازارباەۆ سۋبۇلتتىق رەيتينگتٸڭ جەڭٸمپازى اتانعان ەكٸمدٸ ماراپاتتايدى. بۇل تۋرالى بٷگٸن ەلوردادا ٶتٸپ جاتقان «Kazakhstan Global Investment Roundtable» فورۋمىندا قر پرەمەر-مينيسترٸ باقىتجان ساعىنتاەۆ ايتتى, دەپ حابارلايدى قازاقپارات.
«ٷكٸمەت ينۆەستيتسييالىق احۋال كٶپ جاعدايدا جەرگٸلٸكتٸ جەرلەردەگٸ بيلٸك ورگاندارىنىڭ ٸس-ەرەكەتٸنە بايلانىستى ەكەندٸگٸن تٷسٸنەدٸ. سوندىقتان دا بٸز اعىمداعى جىلى سۋبۇلتتىق رەيتينگ دەپ اتالاتىن بيزنەس جٷرگٸزۋدٸڭ جەڭٸلدٸگٸ بويىنشا ٶڭٸرلەردٸ باعالاۋدىڭ جاڭا رەيتينگٸن ەنگٸزدٸك. ەرتەڭ مەملەكەت باسشىسى اتالعان سۋبۇلتتىق رەيتينگ اياسىندا بٸرٸنشٸ ورىن العان ەكٸمگە جٷلدە تابىستايدى», - دەدٸ قر پرەمەر-مينيسترٸ.
سونىمەن قاتار باقىتجان ساعىنتاەۆ ينۆەستيتسييا ٷشٸن ەلەمدٸك بەسەكە ارتىپ وتىرعان زاماندا ەربٸر ينۆەستور ٷشٸن كٷرەسۋ قاجەتتٸگٸن باسا ايتتى.
«بٸز وعان دايىنبىز. بٷگٸن قازاقستان ٷكٸمەتٸ ينۆەستورلار ٷشٸن بارىنشا قولايلى جاعداي جاساۋ ساياساتىنان ٶزٸنٸڭ تايمايتىندىعىن مەلٸمدەيدٸ», - دەدٸ ٷكٸمەت باسشىسى.
.jpeg)