QR Prezidenti Qasym-Jomart Toqaev ShYU elderin Biologiialyq qaýipsizdik jónindegi halyqaralyq agenttikti qurý isine qoldaý bildirýge shaqyrdy, dep habarlaidy "Ult aqparat".
«Ekstermizm, terrorizm, separatizm jáne rýhani qundylyqtardyń devalvatsiiasyna qarsy is-qimylda bizdiń halyqtardyń jasampaz áleýetin jumyldyrý úshin ShYU memleketteriniń birigei mádeni murasyn damytý mańyzdy. Sondyqtan bizdiń uiym úshin mereitoilyq aldaǵy jyldy ShYU mádenieti jyly dep jariialaýdy qoldaimyz», - dedi Memleket basshysy.
Sonymen qatar Prezident qarýlanýdyń jahandyq jarysynyń kúsheiýi biologiialyq qarýǵa qatysty qadaǵalaý júiesin iske qosýdyń qajettigin ózekti etip otyrǵandyǵyn atap ótti.
«Barshamyz bioterrorizmniń qaterine bailanysty táýekelderdi jaqsy túsinemiz. BUU Bas Assambleiasynyń 75-sessiiasy barysynda Biologiiadyq qaýipsizdik jónindegi halyqaralyq agenttikti qurýdy usynǵan edim. ShYU boiynsha áriptester tarapynan bul máselede qoldaý bolatynyna senim artyp otyrmyn», - dedi Q. Toqaev Shanhai Yntymaqtastyq Uiymyna múshe memleketter basshylary keńesiniń otyrysynda.
