Qazaqstan Respýblikasy Prezidentiniń Ákimshiligi Basshysynyń buiryǵymen Shalqar Muqashuly Qojaev 2021 jylǵy 10 aqpannan bastap Prezidenttiń Baspasóz hatshysynyń orynbasary bolyp taǵaiyndaldy, dep habarlady Memleket basshysynyń baspasóz hatshysy Berik Ýáli Facebook-tegi paraqshasynda.
Shalqar Qojaev ál-Farabi atyndaǵy Qazaq ulttyq ýniversitetin «Halyqaralyq jýrnalistika» mamandyǵy boiynsha, Qazaq innovatsiialyq gýmanitarlyq-zań ýniversitetin «Iskerlik ákimshilik» mamandyǵy boiynsha támamdaǵan.
AQSh-ta zamanaýi aqparatty taratý qyzmetin jetildirý boiynsha, Ýkrainada aqparattyq tehnologiialar boiynsha biliktiligin arttyrǵan.
Jýrnalistikadaǵy eńbek jolyn Semei qalasyndaǵy jergilikti telearnada jýrnalist, diktor bolyp bastaǵan.2005-2011 jyldary «Qazaqstan-Semei» arnasynda tilshi, júrgizýshi, «Qazaqstan» RTRK-nyń Shyǵys Qazaqstan óńiri boiynsha menshikti tilshisi bolyp qyzmet etken.2011-2012 jyldary «Eýraziia» telearnasynyń tilshi retinde Prezidenttik pýl quramynda bolǵan.2012 jyldan bastap «Habar 24» arnasynyń shyǵarýshy redaktory, prodiýseri, jańalyqtar qyzmetiniń bas redaktory, «Habar» arnasynyń bas redaktory bolyp jumys istegen.2017 jyldan bastap «Habar 24» arnasynyń shef-redaktory.Qazaqstan Respýblikasynyń «Eren eńbegi úshin» medalimen, birneshe merekelik medaldarmen, túrli dárejedegi alǵys hattarmen, «Aqparat salasynyń úzdigi» tósbelgisimen marapattalǵan. «Nur Suńqar» syilyǵynyń iegeri.
