قازاقستان رەسپۋبليكاسى پرەزيدەنتٸنٸڭ ەكٸمشٸلٸگٸ باسشىسىنىڭ بۇيرىعىمەن شالقار مۇقاشۇلى قوجاەۆ 2021 جىلعى 10 اقپاننان باستاپ پرەزيدەنتتٸڭ باسپاسٶز حاتشىسىنىڭ ورىنباسارى بولىپ تاعايىندالدى, دەپ حابارلادى مەملەكەت باسشىسىنىڭ باسپاسٶز حاتشىسى بەرٸك ۋەلي Facebook-تەگٸ پاراقشاسىندا.
شالقار قوجاەۆ ەل-فارابي اتىنداعى قازاق ۇلتتىق ۋنيۆەرسيتەتٸن «حالىقارالىق جۋرناليستيكا» ماماندىعى بويىنشا, قازاق يننوۆاتسييالىق گۋمانيتارلىق-زاڭ ۋنيۆەرسيتەتٸن «ٸسكەرلٸك ەكٸمشٸلٸك» ماماندىعى بويىنشا تەمامداعان.
اقش-تا زاماناۋي اقپاراتتى تاراتۋ قىزمەتٸن جەتٸلدٸرۋ بويىنشا, ۋكراينادا اقپاراتتىق تەحنولوگييالار بويىنشا بٸلٸكتٸلٸگٸن ارتتىرعان.
جۋرناليستيكاداعى ەڭبەك جولىن سەمەي قالاسىنداعى جەرگٸلٸكتٸ تەلەارنادا جۋرناليست, ديكتور بولىپ باستاعان.2005-2011 جىلدارى «قازاقستان-سەمەي» ارناسىندا تٸلشٸ, جٷرگٸزۋشٸ, «قازاقستان» رترك-نىڭ شىعىس قازاقستان ٶڭٸرٸ بويىنشا مەنشٸكتٸ تٸلشٸسٸ بولىپ قىزمەت ەتكەن.2011-2012 جىلدارى «ەۋرازييا» تەلەارناسىنىڭ تٸلشٸ رەتٸندە پرەزيدەنتتٸك پۋل قۇرامىندا بولعان.2012 جىلدان باستاپ «حابار 24» ارناسىنىڭ شىعارۋشى رەداكتورى, پروديۋسەرٸ, جاڭالىقتار قىزمەتٸنٸڭ باس رەداكتورى, «حابار» ارناسىنىڭ باس رەداكتورى بولىپ جۇمىس ٸستەگەن.2017 جىلدان باستاپ «حابار 24» ارناسىنىڭ شەف-رەداكتورى.قازاقستان رەسپۋبليكاسىنىڭ «ەرەن ەڭبەگٸ ٷشٸن» مەدالٸمەن, بٸرنەشە مەرەكەلٸك مەدالدارمەن, تٷرلٸ دەرەجەدەگٸ العىس حاتتارمەن, «اقپارات سالاسىنىڭ ٷزدٸگٸ» تٶسبەلگٸسٸمەن ماراپاتتالعان. «نۇر سۇڭقار» سىيلىعىنىڭ يەگەرٸ.
