Aýtizmge shaldyqqan balalarǵa qoldaý jasap júrgen úkimettik emes uiymdarǵa rizashylyǵymdy bildiremin. Bul týraly búgin QR Prezidenti Qasym-Jomart Toqaev tvitterdegi paraqshasynda jazdy, dep habarlaidy "Ult aqparat".
«2 sáýir - Búkilálemdik aýtizm týraly aqparatty taratý kúni. Mundai balalardyń bizdiń qoǵamǵa tolyqtai beiimdelýine kóńil bólý asa qajet. Olardyń arasynda qabiletti balalar kóp. Osy baǵytta elimizde jumys istep jatqan ÚEU rizamyn. Olardy qoldaýdy jalǵastyra beremiz», - dep jazdy Memleket basshysy.
Aita keteiik, elimiz óńirlerinde Dúniejúzilik aýtizm problemasy týraly aqparat taratý kúnine orai túrli sharalar ótkizilip jatyr. Osy oraida Almatyda qaiyrymdylyq kontsert uiymdastyryldy. Al, Qyzylorda qalasynda aqparat taratý kúnine orai sporttyq júgirýden jarys ótkizildi. Sondai-aq, Soltústik Qazaqstan oblysynda syrqat balalar A.Vinokýrov atyndaǵy sport saraiyna, teatrlarǵa, oqýshylar saraiyna saiahat jasaidy, túrli aktsiialar men merekelik sharalar ótedi.
