اۋتيزمگە شالدىققان بالالارعا قولداۋ جاساپ جٷرگەن ٷكٸمەتتٸك ەمەس ۇيىمدارعا ريزاشىلىعىمدى بٸلدٸرەمٸن. بۇل تۋرالى بٷگٸن قر پرەزيدەنتٸ قاسىم-جومارت توقاەۆ تۆيتتەردەگٸ پاراقشاسىندا جازدى, دەپ حابارلايدى "ۇلت اقپارات".
«2 سەۋٸر - بٷكٸلەلەمدٸك اۋتيزم تۋرالى اقپاراتتى تاراتۋ كٷنٸ. مۇنداي بالالاردىڭ بٸزدٸڭ قوعامعا تولىقتاي بەيٸمدەلۋٸنە كٶڭٸل بٶلۋ اسا قاجەت. ولاردىڭ اراسىندا قابٸلەتتٸ بالالار كٶپ. وسى باعىتتا ەلٸمٸزدە جۇمىس ٸستەپ جاتقان ٷەۇ ريزامىن. ولاردى قولداۋدى جالعاستىرا بەرەمٸز», - دەپ جازدى مەملەكەت باسشىسى.
ايتا كەتەيٸك, ەلٸمٸز ٶڭٸرلەرٸندە دٷنيەجٷزٸلٸك اۋتيزم پروبلەماسى تۋرالى اقپارات تاراتۋ كٷنٸنە وراي تٷرلٸ شارالار ٶتكٸزٸلٸپ جاتىر. وسى ورايدا الماتىدا قايىرىمدىلىق كونتسەرت ۇيىمداستىرىلدى. ال, قىزىلوردا قالاسىندا اقپارات تاراتۋ كٷنٸنە وراي سپورتتىق جٷگٸرۋدەن جارىس ٶتكٸزٸلدٸ. سونداي-اق, سولتٷستٸك قازاقستان وبلىسىندا سىرقات بالالار ا.ۆينوكۋروۆ اتىنداعى سپورت سارايىنا, تەاترلارعا, وقۋشىلار سارايىنا ساياحات جاسايدى, تٷرلٸ اكتسييالار مەن مەرەكەلٸك شارالار ٶتەدٸ.
