QR Prezidenti Qasym-Jomart Toqaev «Astana aqshamy» jáne «Vecherniaia astana» gazetteriniń ujymyn basylymnyń 30 jyldyq mereitoiymen quttyqtady, dep habarlaidy "Ult aqparat".
«Qurmetti elordalyq qos basylym ujymy! Basylymdar osy jyldar ishinde ósý-órkendeý kezeńderinen ótti. Elordalyq gazetter qalanyń tynys-tirshiligin ǵana emes, jalpy halyqtyń jaǵdaiyn, eldiń saiasi-ekonomikalyq, áleýmettik damýyn, mádeniet pen rýhaniiatty óndirtip jazyp, qalyń oqyrmannyń yqylasyna bólenip júr.
Sizderdi ult ustazy Ahmet Baitursynulynyń «Gazet – halyqtyń kózi, qulaǵy hám tili» degen ulaǵatty sózin berik ustanyp kele jatqan qarymdy qalamgerler, kásibi jýrnalister dep bilemiz.
Sizderdiń jazǵan árbir maqalalaryńyz, kótergen máselelerińiz halyqtyń muń men muqtajyn, oiy men pikirin, talaby men tilegin qaýzap, qoǵam damýyna eleýli úles qosyp keledi. Memleket pen qoǵam arasyndaǵy altyn kópirdei sizderdiń eńbekterińizdi jaqsy bilemin jáne joǵary baǵalaimyn.
Ujymdaryńyzǵa shyǵarmashylyq tabys, ár qyzmetkerdiń otbasyna baq-bereke tileimin!», - delingen Memleket basshysynyń quttyqtaýynda.
