QR Prezidenti Qasym-Jomart Toqaev Qorǵanys ministri Nurlan Ermekbaevty qabyldady, dep habarlaidy "Ult aqparat" Aqordaǵa silteme jasap.
Qarýly Kúshterdiń Joǵarǵy Bas qolbasshysyna álemdegi zamanaýi qaýip-qaterlerdi eskere otyryp, Qarýly Kúshterdi qalyptastyrýdyń jáne damytýdyń tujyrymdamasyn pysyqtaý, sondai-aq, qarý-jaraqtardy, oq-dárilerdi, áskeri tehnikalardy inventarizatsiialaý jáne tekserý jumystary týraly baiandaldy.
Nurlan Ermekbaev Qasym-Jomart Toqaevqa ministrliktiń geosaiasi jáne ekonomikalyq baǵyttaǵy syn-qaterlerdi monitoringileý boiynsha júrgizip jatqan jumystary, halyqaralyq áskeri yntymaqtastyq máseleler týraly aitty. Sonymen qatar elimizdiń Qarýly Kúshterin tiimdi basqarýdy jaqsartýǵa jáne qorǵanys qabiletin arttyrýǵa negizdelgen zań jobasyn daiyndaý jaiynda málimet berdi.
Memleket basshysy Qarýly Kúshterdiń, oq-dári qoimalarynyń, poligondar men áskeri qalashyqtardyń infraqurylymyn jetildirý jumystaryn júrgizýge basa mán berdi.
Kezdesý qorytyndysy boiynsha Joǵarǵy Bas qolbasshy Qorǵanys ministrine áskeri qyzmetshilerdiń áleýmettik jaǵdaiyn kóterýge jáne áskeri kadrlardy daiyndaý sapasyn arttyrýǵa, sondai-aq, áskeri tártipti kúsheitý sharalaryn qabyldaýǵa qatysty birqatar naqty tapsyrma berdi.
