Qazaqstan Prezidenti Qasym-Jomart Toqaev 2021 jyldy – Táýelsizdiktiń 30 jyldyǵy retinde jariialady, dep habarlaidy "Ult aqparat".
«Ulttyq qoǵamdyq senim keńesiniń IV otyrysynda 2021 jyldy Táýelsizdiktiń 30 jyldyǵy dep jariialaý týraly sheshimimdi aittym. Bul ótken jolymyzdy zerdeleýge jaqsy múmkindik. Mereitoi saiasi-ekonomikalyq reformalar, tsifrlandyrý, balalar men múgedekterdiń quqyǵyn qorǵaý, ekologiia máselesin sheshý aiasynda ótedi», dep jazdy Memleket basshysy Twitter-de.
Eske salaiyq, búgin Qasym-Jomart Toqaevtyń qatysýymen Ulttyq qoǵamdyq senim keńesiniń tórtinshi otyrysy ótti.
Otyrys barysynda Prezident QR Táýelsizdiginiń 30 jyldyq mereitoiyna orai pikir bildirip, qazir osynaý mańyzdy tarihi dataǵa orai kóptegen saltanatty shara ótkizetin ýaqyt emestigin atap aitty.
«Biz mańyzdy isterdi uzaqqa sozbai, qysqa merzimde naqty nátijelerge qol jetkizýimiz kerek», - degen bolatyn Memleket basshysy.
