QR Premer-Ministri Asqar Mamin Mańǵystaý oblysyna jumys sapary barysynda modýldik juqpaly aýrýlar aýrýhanasyna baryp, óńirdegi sanitarlyq-epidemiologiialyq ahýal máseleleri jóninde keńes ótkizdi, dep habarlaidy primeminister.kz.
Mańǵystaý oblysynyń ákimi S. Trumov pen densaýlyq saqtaý ministri A. Tsoi biyl 25-31 qazan aralyǵynda óńirde syrqattanýshylyqtyń 1,6 ese óskenin, al reprodýktivti sany 0,9-ǵa jetkenin baiandady. 2020 jylǵy 1 qarashada 2 syrqattaný tirkeldi, 2-6 qarasha aralyǵynda tirkelgen joq.
Infektsiialyq tósek-oryndardyń júktemesi 17%, reanimatsiialyq tósek-oryndardyń júktemesi 10% quraidy. Aýrýdyń eń joǵary kórsetkishteri Aqtaý jáne Jańaózen qalalarynda baiqalady.
Óńirde 335 infektsiialyq jáne 48 reanimatsiialyq tósek-orny bar 9 juqpaly aýrýlar statsionary jumys isteidi. Qosymsha 1835 infektsiialyq jáne 130 reanimatsiialyq tósek-orny bar 11 rezervtik statsionar jasaqtalǵan. Meditsinalyq mekemeler 260 ÓJJ apparatymen jáne 638 ottegi kontsentratorymen qamtamasyz etilgen. 14 statsionar ortalyqtandyrylǵan ottegimen qamtamasyz etilgen.
Turaqtandyrý qoryn tolyqtyrý úshin jergilikti biýdjetten 450 mln teńge bólindi, bul óńirdiń meditsinalyq mekemeleri men dárihana jelisinde eki ailyq dárilik zattar qoryn qalyptastyrýǵa múmkindik berdi. Jedel meditsinalyq járdem mashina parki 82 birlikke tolyqty, jyl sońyna deiin qosymsha 34 mashina jetkiziledi dep kútilýde.
Mańǵystaý oblysynda COVID-19 diagnostikasy boiynsha 6 zerthana, sondai-aq PTR-testileýdi ótkizýge arnalǵan jyljymaly stantsiia jumys isteidi. Testileýdiń jiyntyq qýaty táýligine 4300 testini quraidy. Qazirgi ýaqytta táýligine 1300-den astam PTR-test ótkiziledi.
Biyl tamyz aiynan bastap 24 monitoring toby 1428 reid júrgizdi, obektilerde 126 buzýshylyq anyqtaldy.
Úkimet basshysy Mańǵystaý oblysynyń ákimdigine koronavirýs infektsiiasynyń yqtimal jańa tolqynyna daiyndyq sharalarynyń barlyq keshenin júrgizýdi tapsyrdy, onyń ishinde:
halyq pen biznes sýbektileriniń sanitarlyq talaptardy saqtaýyn baqylaý jónindegi monitoring toptarynyń jumysyn kúsheitý;
alǵashqy meditsinalyq-sanitarlyq kómek kórsetýdi kúsheitý, birinshi kezekte sozylmaly aýrýlary bar adamdarǵa, 65 jastan asqan adamdarǵa jáne júkti áielderge nazar aýdarý;
syrqattanýshylyqtyń odan ári ósýi yqtimaldyǵynda rezervtik infektsiialyq oryndardyń bolýyn qamtamasyz etý;
óńirdiń turaqtandyrý qorynan dárilik zattar men meditsinalyq buiymdardy statsionarlarǵa úzdiksiz jetkizýdi qamtamasyz etý.
Premer-Ministr Aqtaý qalasynda salynǵan 200 tósek-oryndyq modýldi juqpaly aýrýlar aýrýhanasyn aralap, óńirge jetkizilgen jedel járdem mashinalaryn jáne elimizde qurastyrylǵan jyljymaly meditsinalyq keshenderdi kórdi.
