قر پرەمەر-مينيسترٸ اسقار مامين ماڭعىستاۋ وبلىسىنا جۇمىس ساپارى بارىسىندا مودۋلدٸك جۇقپالى اۋرۋلار اۋرۋحاناسىنا بارىپ, ٶڭٸردەگٸ سانيتارلىق-ەپيدەميولوگييالىق احۋال مەسەلەلەرٸ جٶنٸندە كەڭەس ٶتكٸزدٸ, دەپ حابارلايدى primeminister.kz.
ماڭعىستاۋ وبلىسىنىڭ ەكٸمٸ س. ترۇموۆ پەن دەنساۋلىق ساقتاۋ مينيسترٸ ا. تسوي بيىل 25-31 قازان ارالىعىندا ٶڭٸردە سىرقاتتانۋشىلىقتىڭ 1,6 ەسە ٶسكەنٸن, ال رەپرودۋكتيۆتٸ سانى 0,9-عا جەتكەنٸن باياندادى. 2020 جىلعى 1 قاراشادا 2 سىرقاتتانۋ تٸركەلدٸ, 2-6 قاراشا ارالىعىندا تٸركەلگەن جوق.
ينفەكتسييالىق تٶسەك-ورىنداردىڭ جٷكتەمەسٸ 17%, رەانيماتسييالىق تٶسەك-ورىنداردىڭ جٷكتەمەسٸ 10% قۇرايدى. اۋرۋدىڭ ەڭ جوعارى كٶرسەتكٸشتەرٸ اقتاۋ جەنە جاڭاٶزەن قالالارىندا بايقالادى.
ٶڭٸردە 335 ينفەكتسييالىق جەنە 48 رەانيماتسييالىق تٶسەك-ورنى بار 9 جۇقپالى اۋرۋلار ستاتسيونارى جۇمىس ٸستەيدٸ. قوسىمشا 1835 ينفەكتسييالىق جەنە 130 رەانيماتسييالىق تٶسەك-ورنى بار 11 رەزەرۆتٸك ستاتسيونار جاساقتالعان. مەديتسينالىق مەكەمەلەر 260 ٶجج اپپاراتىمەن جەنە 638 وتتەگٸ كونتسەنتراتورىمەن قامتاماسىز ەتٸلگەن. 14 ستاتسيونار ورتالىقتاندىرىلعان وتتەگٸمەن قامتاماسىز ەتٸلگەن.
تۇراقتاندىرۋ قورىن تولىقتىرۋ ٷشٸن جەرگٸلٸكتٸ بيۋدجەتتەن 450 ملن تەڭگە بٶلٸندٸ, بۇل ٶڭٸردٸڭ مەديتسينالىق مەكەمەلەرٸ مەن دەرٸحانا جەلٸسٸندە ەكٸ ايلىق دەرٸلٸك زاتتار قورىن قالىپتاستىرۋعا مٷمكٸندٸك بەردٸ. جەدەل مەديتسينالىق جەردەم ماشينا پاركٸ 82 بٸرلٸككە تولىقتى, جىل سوڭىنا دەيٸن قوسىمشا 34 ماشينا جەتكٸزٸلەدٸ دەپ كٷتٸلۋدە.
ماڭعىستاۋ وبلىسىندا COVID-19 دياگنوستيكاسى بويىنشا 6 زەرتحانا, سونداي-اق پتر-تەستٸلەۋدٸ ٶتكٸزۋگە ارنالعان جىلجىمالى ستانتسييا جۇمىس ٸستەيدٸ. تەستٸلەۋدٸڭ جيىنتىق قۋاتى تەۋلٸگٸنە 4300 تەستٸنٸ قۇرايدى. قازٸرگٸ ۋاقىتتا تەۋلٸگٸنە 1300-دەن استام پتر-تەست ٶتكٸزٸلەدٸ.
بيىل تامىز ايىنان باستاپ 24 مونيتورينگ توبى 1428 رەيد جٷرگٸزدٸ, وبەكتٸلەردە 126 بۇزۋشىلىق انىقتالدى.
ٷكٸمەت باسشىسى ماڭعىستاۋ وبلىسىنىڭ ەكٸمدٸگٸنە كوروناۆيرۋس ينفەكتسيياسىنىڭ ىقتيمال جاڭا تولقىنىنا دايىندىق شارالارىنىڭ بارلىق كەشەنٸن جٷرگٸزۋدٸ تاپسىردى, ونىڭ ٸشٸندە:
حالىق پەن بيزنەس سۋبەكتٸلەرٸنٸڭ سانيتارلىق تالاپتاردى ساقتاۋىن باقىلاۋ جٶنٸندەگٸ مونيتورينگ توپتارىنىڭ جۇمىسىن كٷشەيتۋ;
العاشقى مەديتسينالىق-سانيتارلىق كٶمەك كٶرسەتۋدٸ كٷشەيتۋ, بٸرٸنشٸ كەزەكتە سوزىلمالى اۋرۋلارى بار ادامدارعا, 65 جاستان اسقان ادامدارعا جەنە جٷكتٸ ەيەلدەرگە نازار اۋدارۋ;
سىرقاتتانۋشىلىقتىڭ ودان ەرٸ ٶسۋٸ ىقتيمالدىعىندا رەزەرۆتٸك ينفەكتسييالىق ورىنداردىڭ بولۋىن قامتاماسىز ەتۋ;
ٶڭٸردٸڭ تۇراقتاندىرۋ قورىنان دەرٸلٸك زاتتار مەن مەديتسينالىق بۇيىمداردى ستاتسيونارلارعا ٷزدٸكسٸز جەتكٸزۋدٸ قامتاماسىز ەتۋ.
پرەمەر-مينيستر اقتاۋ قالاسىندا سالىنعان 200 تٶسەك-ورىندىق مودۋلدٸ جۇقپالى اۋرۋلار اۋرۋحاناسىن ارالاپ, ٶڭٸرگە جەتكٸزٸلگەن جەدەل جەردەم ماشينالارىن جەنە ەلٸمٸزدە قۇراستىرىلعان جىلجىمالى مەديتسينالىق كەشەندەردٸ كٶردٸ.
