Búgin QR Premer-Ministri Baqytjan Saǵyntaev Qyzylorda oblysyna jumys sapary aiasynda Prezidenttiń Bes áleýmettik bastamasyn júzege asyrý máseleleri boiynsha bilim berý, densaýlyq saqtaý jáne áleýmettik sala qyzmetkerlerimen kezdesti, dep habarlaidy "Ult aqparat" primeminister.kz saityna silteme jasap.
Kezdesý barysynda Memleket basshysynyń áleýmettik bastamalaryn ashatyn jańa múmkindikteri: qoljetimdi baspana, salyq salýdy tómendetý, stýdentterge arnalǵan jańa paket - qosymsha granttar men jataqhanalar, mikrokreditteýdi keńeiti, turmys sapasyn jaqsartý úshin jańa gaz qubyrlaryn tartý jáne óńirlerde biznesti damytý tolyqtai qaraldy.
Sondai-aq, Memleket basshysynyń «Tórtinshi ónerkásiptik revoliýtsiia jaǵdaiyndaǵy damýdyń jańa múmkindikteri» Joldaýyn júzege asyrý aiasynda infraqurylymdy jańǵyrtý, memlekettik-jekeshelik áriptestikti damytý jáne salany yryqtandyrý arqyly densaýlyq saqtaý júiesin jetildirý máseleleri talqylandy.
Baqytjan Saǵyntaev berilgen tapsyrmalardy júzege asyrý úshin Úkimettiń barlyq qajetti sharalardy qabyldap jatqanyn atap ótti. Bes bastama boiynsha naqty is-sharalar men oryndalý merzimin qamtityn Jol kartasy iske qosylýda. Barlyq is-sharalar 2022 jylǵa deiin júzege asyrylmaq. Qazirgi ýaqytta olardyń oryndalý tetikteri tolyqtai pysyqtalýda - naýryz aiynyń sońyna deiin qajetti zańnamalyq ózgerister jasalady.
Investitsiialar jáne damý ministri J.Qasymbek qazaqstandyqtarǵa tiimdi sharttarmen baspana berý boiynsha qoljetimdi ipotekamen qamtamasyz etetin «7-20-25» baǵdarlamasynyń jasalýy, iske qosylatyn merzimi men qatysý sharttary týraly málimdedi.
Bilim jáne ǵylym vitse-ministri T.Eshenqulov bilim berý máseleleri jáne joǵary bilim berýdiń sapasy men qoljetimdiligin arttyrý, stýdenttik jastardyń turmys jaǵdaiyn jaqsartý josparlary týraly baiandama jasady.
Eńbek jáne halyqty áleýmettik qorǵaý vitse-ministri N. Áltaev «Mikrokreditteýdi keńeitý» Tórtinshi bastamasy aiasynda beriletin jańa múmkindikterdi túsindirdi.
Ulttyq ekonomika ministri T.Súleimenov jalaqysy tómen jumysshylardyń eńbekaqysyn kóterý úshin salyq júktemesin tómendetý týraly aitty.
Talqylaý barysynda «Bolashaq» ýniversitetiniń ǵylymi basshysy B.Dosmanbetov, jyraý A. Almatov, oblystyq meditsina ortalyǵynyń dáriger-hirýrgy N. Amitov, oblystyq mýzykalyq drama teatrdyń kórkemdik jetekshisi A. Hýsein pikir bildirdi.
.jpeg)