QR Ortalyq sailaý komissiiasy Saiasi partiialardy partiialyq tizim boiynsha sailanatyn QR Parlamenti Májilisiniń jáne máslihattardyń depýtattaryn sailaýǵa jiberý týraly qaýlysyna ózgertýler engizdi, dep habarlaidy QazAqparat.
«Adal» partiiasy men Qazaqstannyń halyq partiiasy respýblikalyq, sonymen qatar óńirlik deńgeide qaita tirkeýden ótti. Sondai-aq «Adal» partiiasy Túrkistan oblysyndaǵy filialyn qaita tirkeýden jáne Shymkent qalasyndaǵy filalyn eseptik tirkeýden ótkizgenin atap ótken jón. Osydan buryn partiianyń bul óńirlerde sailaýǵa qatysýǵa ruqsaty bolmaǵan. Osyǵan bailanysty Ortalyq sailaý komissiiasynyń «Keibir saiasi partiialardy partiialyq tizim boiynsha sailanatyn QR Parlamenti Májilisiniń jáne máslihattardyń depýtattaryn sailaýǵa jiberý týraly» qabyldanǵan qaýlyny qaita qaraý qajet»,- dedi QR OSK Tóraǵasy Berik Imashev.
Osydan keiin Ortalyq sailaý komissiiasy «Adal» saiasi partiiasy men Qazaqstannyń Halyq partiiasyn Qazaqstan Respýblikasy Parlamenti Májilisi men máslihattary depýtattaryn sailaýǵa qatysýǵa jiberý týraly qaýly qabyldady.
«Osylaisha «Adal» saiasi partiiasy men Qazaqstannyń Halyq partiiasy Qazaqstan Respýblikasy Parlamenti Májilisi men máslihattary depýtattaryn sailaýyna jiberildi», - dedi Berik Imashev.
