2018 jylǵy 12 qyrkúiekte Etalon ortalyǵynda QR IDM Tehnikalyq retteý jáne metrologiia komiteti basshysy Arman Shaqqalievtiń tóraǵalyǵymen Ǵylymi-tehnikalyq komissiianyń otyrysy boldy, dep habarlaidy QazAqparat komitettiń Feisbýktegi paraqshasyna silteme jasap.
Oǵan Memlekettik eltańbanyń avtory Jandarbek Málibekov, «Qazaqstan standarttaý jáne sertifikattaý institýty» RMK basshylyǵy da qatysty.
Otyrysta «Qazaqstan Respýblikasynyń Memlekettik Eltańbasy. Tehnikalyq sharttar» QR ST 989-2014 standartyna engiziletin №1 ózgeristerdi maquldaý týraly sheshim qabyldandy.
Oǵan sáikes, ulttyq standarttyń búkil mátininde «Qazaqstan» sózin latyn grafikasymen «QAZAQSTAN» etip ózgertý, sondai-aq ΔE túster diapazonyn qoldaný týraly ózgerister qabyldandy.
Budan tys, Memlekettik Eltańbanyń elementteri men tarihyn sipattaýǵa ádistemelik quraldarǵa silteme, Qazaqstan Respýblikasy Memlekettik Eltańbasynyń avtory Jandarbek Málibekov jasaǵan konstrýktorlyq qujattama qosyldy.
Ózgeristerdi engizý úshin Qazaqstan Respýblikasy Memlekettik Eltańbasynyń avtory jáne óndirýshilerdiń qatysýymen birqatar otyrystar ótkizildi.
Eske sala keteiik, ózgeristerdi Prezident Nursultan Nazarbaevtyń «Qazaq álipbiin kirillitsadan latyn grafikasyna kóshirý týraly» Jarlyǵyna sáikes, arnaiy jasaqtalǵan Jumys toby ázirlegen.
