QR Mádeniet jáne sport ministrligi buqaralyq sportty damytý maqsatynda «Densaýlyq marafonyn» bastady, dep habarlaidy "Ult aqparat".
Demalys kúnderi jańadan júgirip bastaǵan áýesqoi sportshylardy QR Mádeniet jáne sport vitse-ministri Sáken Musaibekov, Sport jáne dene shynyqtyrý isteri Komiteti tóraǵasy Serik Sápiev, belgili sportshy Sergei Tsyrýlnikov qoldaýǵa keldi. Áýesqoilar 7 shaqyrymdyq qashyqtyqty baǵyndyryp, jalpy dene shynyqtyrý men júgirýge arnalǵan jattyǵýlardy jasady. Olardyń bastamasyn 25 shaqyrymdyq qashyqtyqpen ózderiniń apta saiyn ótkizetin #DieHardRunning marafonymen kásibi marafonshylar qoldady. QR Mádeniet jáne sport vitse-ministri Sáken Musaibekovtiń aitýynsha mundai jattyǵýlardy dástúrli ári buqaralyq sipatta ótkizip turý qajet.
«Búgingi tańda elimizde dene shynyqtyrý jáne sportpen halyqtyń 30 paiyzǵa jýyǵy ainalysady, 2025 jylǵa deiin bul kórsetkishti 45 paiyzǵa deiin jetkizý kózdelgen. Árine maqsatymyz myqty, biraq bul mejege de jetýge bolady. Ministrlik árqashan buqaralyq sport pen balalar-jasóspirimder sportyn qoldaýǵa daiyn. Tyń ideialar qashanda bizdiń qoldaýdy tabady. Biz búgingi aktsiiaǵa elimizdiń barlyq óńirlerin qatysýńa shaqyramyz. Buqaralyq sportty birge damytaiyq!» - dedi Sáken Musaibekov.
Aita keteiik, sportpen jańadan ainalysa bastaǵan áýesqoilarǵa jattyǵýlar apta saiyn jeksenbi kúni «Sport, densaýlyq, ekologiia» qoǵamdyq birlestigi jattyqtyrýshylarynyń qoldaýymen tegin negizde ótedi. Aýa-raiy jylyǵan kezde velojattyǵýlar senbi kúni tegin uiymdastyrylady.
Qoǵamdyq birlestik tóraǵasy Temirjan Ábdrahmanov ministrlik qoldaýynyń arqasynda aptanyń jumys kúnderi osyndai jattyǵýlardy tegin negizde ótkizýdi josparlap otyrǵandyqtaryn aitty. Sonymen qatar, ózderiniń jumysyn elimizdiń barlyq aimańynda jalǵastyrýdy kózdeitindikterin jetkizdi. Marafon jónindegi tolyǵyraq aqparaty @tranzitka_veloservice_trishop jáne @ilovesportkz instagram paraqshalarynan bilýge bolady.
