قر مەدەنيەت جەنە سپورت مينيسترلٸگٸ بۇقارالىق سپورتتى دامىتۋ ماقساتىندا «دەنساۋلىق مارافونىن» باستادى, دەپ حابارلايدى "ۇلت اقپارات".
دەمالىس كٷندەرٸ جاڭادان جٷگٸرٸپ باستاعان ەۋەسقوي سپورتشىلاردى قر مەدەنيەت جەنە سپورت ۆيتسە-مينيسترٸ سەكەن مۇسايبەكوۆ, سپورت جەنە دەنە شىنىقتىرۋ ٸستەرٸ كوميتەتٸ تٶراعاسى سەرٸك سەپيەۆ, بەلگٸلٸ سپورتشى سەرگەي تسىرۋلنيكوۆ قولداۋعا كەلدٸ. ەۋەسقويلار 7 شاقىرىمدىق قاشىقتىقتى باعىندىرىپ, جالپى دەنە شىنىقتىرۋ مەن جٷگٸرۋگە ارنالعان جاتتىعۋلاردى جاسادى. ولاردىڭ باستاماسىن 25 شاقىرىمدىق قاشىقتىقپەن ٶزدەرٸنٸڭ اپتا سايىن ٶتكٸزەتٸن #DieHardRunning مارافونىمەن كەسٸبي مارافونشىلار قولدادى. قر مەدەنيەت جەنە سپورت ۆيتسە-مينيسترٸ سەكەن مۇسايبەكوۆتٸڭ ايتۋىنشا مۇنداي جاتتىعۋلاردى دەستٷرلٸ ەرٸ بۇقارالىق سيپاتتا ٶتكٸزٸپ تۇرۋ قاجەت.
«بٷگٸنگٸ تاڭدا ەلٸمٸزدە دەنە شىنىقتىرۋ جەنە سپورتپەن حالىقتىڭ 30 پايىزعا جۋىعى اينالىسادى, 2025 جىلعا دەيٸن بۇل كٶرسەتكٸشتٸ 45 پايىزعا دەيٸن جەتكٸزۋ كٶزدەلگەن. ەرينە ماقساتىمىز مىقتى, بٸراق بۇل مەجەگە دە جەتۋگە بولادى. مينيسترلٸك ەرقاشان بۇقارالىق سپورت پەن بالالار-جاسٶسپٸرٸمدەر سپورتىن قولداۋعا دايىن. تىڭ يدەيالار قاشاندا بٸزدٸڭ قولداۋدى تابادى. بٸز بٷگٸنگٸ اكتسيياعا ەلٸمٸزدٸڭ بارلىق ٶڭٸرلەرٸن قاتىسۋڭا شاقىرامىز. بۇقارالىق سپورتتى بٸرگە دامىتايىق!» - دەدٸ سەكەن مۇسايبەكوۆ.
ايتا كەتەيٸك, سپورتپەن جاڭادان اينالىسا باستاعان ەۋەسقويلارعا جاتتىعۋلار اپتا سايىن جەكسەنبٸ كٷنٸ «سپورت, دەنساۋلىق, ەكولوگييا» قوعامدىق بٸرلەستٸگٸ جاتتىقتىرۋشىلارىنىڭ قولداۋىمەن تەگٸن نەگٸزدە ٶتەدٸ. اۋا-رايى جىلىعان كەزدە ۆەلوجاتتىعۋلار سەنبٸ كٷنٸ تەگٸن ۇيىمداستىرىلادى.
قوعامدىق بٸرلەستٸك تٶراعاسى تەمٸرجان ەبدراحمانوۆ مينيسترلٸك قولداۋىنىڭ ارقاسىندا اپتانىڭ جۇمىس كٷندەرٸ وسىنداي جاتتىعۋلاردى تەگٸن نەگٸزدە ٶتكٸزۋدٸ جوسپارلاپ وتىرعاندىقتارىن ايتتى. سونىمەن قاتار, ٶزدەرٸنٸڭ جۇمىسىن ەلٸمٸزدٸڭ بارلىق ايماڭىندا جالعاستىرۋدى كٶزدەيتٸندٸكتەرٸن جەتكٸزدٸ. مارافون جٶنٸندەگٸ تولىعىراق اقپاراتى @tranzitka_veloservice_trishop جەنە @ilovesportkz ينستاگرام پاراقشالارىنان بٸلۋگە بولادى.
