QR qorǵanys ministrliginiń áskeri ushaǵy Jetigen aerodromyna aman-esen qondy. Bul týraly Almaty oblysy ákiminiń baspasóz hatshysy Ǵalymurat Júkel habarlady.
«Aldyńǵy shassii ashylmai qalǵan áskeri ushaq Jetigen aerodromyna qondy. Almaty oblysynyń ákimi Amandyq Batalovtyń tapsyrmasy boiynsha áýejaiǵa jedel járdem qyzmeti men qutqarýshylar attandy. Qudai qoldap, olardyń kómegi qajet bolǵan joq. Ushaq jer baýyrlap baryp qondy. Ushaq jerge qonǵanǵa deiin ushý-qoný alańyna kóbik tógilgen bolatyn. Qazirgi ýaqytta jolaýshylar men ushaqtyń ekipajy evakýatsiialanýda», - dedi oblys ákiminiń baspasóz qyzmetiniń jetekshisi Ǵalymurat Júkel.
Buǵan deiin áleýmettik jelilerde Nur-Sultannan Aqtóbege baǵyt alǵan ushaqtyń aldyńǵy shassii ashylmai, apatty jaǵdaida Balqash qalasyna qonatyny týraly habarlama taraǵan.
