قر قورعانىس مينيسترلٸگٸنٸڭ ەسكەري ۇشاعى جەتٸگەن اەرودرومىنا امان-ەسەن قوندى. بۇل تۋرالى الماتى وبلىسى ەكٸمٸنٸڭ باسپاسٶز حاتشىسى عالىمۇرات جٷكەل حابارلادى.
«الدىڭعى شاسسيٸ اشىلماي قالعان ەسكەري ۇشاق جەتٸگەن اەرودرومىنا قوندى. الماتى وبلىسىنىڭ ەكٸمٸ اماندىق باتالوۆتىڭ تاپسىرماسى بويىنشا ەۋەجايعا جەدەل جەردەم قىزمەتٸ مەن قۇتقارۋشىلار اتتاندى. قۇداي قولداپ, ولاردىڭ كٶمەگٸ قاجەت بولعان جوق. ۇشاق جەر باۋىرلاپ بارىپ قوندى. ۇشاق جەرگە قونعانعا دەيٸن ۇشۋ-قونۋ الاڭىنا كٶبٸك تٶگٸلگەن بولاتىن. قازٸرگٸ ۋاقىتتا جولاۋشىلار مەن ۇشاقتىڭ ەكيپاجى ەۆاكۋاتسييالانۋدا», - دەدٸ وبلىس ەكٸمٸنٸڭ باسپاسٶز قىزمەتٸنٸڭ جەتەكشٸسٸ عالىمۇرات جٷكەل.
بۇعان دەيٸن ەلەۋمەتتٸك جەلٸلەردە نۇر-سۇلتاننان اقتٶبەگە باعىت العان ۇشاقتىڭ الدىڭعى شاسسيٸ اشىلماي, اپاتتى جاعدايدا بالقاش قالاسىنا قوناتىنى تۋرالى حابارلاما تاراعان.
