- 2016 jylǵy 10 qarashada QR Qorǵanys ministri general-polkovnik S. Jasuzaqov «Mátibulaq» poligonynda desanttyq-shabýyldaý áskerleri men QR QK Áýe qorǵanysy kúshteri bólimsheleriniń tosynnan oqý-jattyǵýlarynyń ótkizilý barysyn tekserdi. Bul týraly ministrliktiń baspasóz qyzmeti.
Oqý-jattyǵý barysyn tekserý kezinde qorǵanys vedomstvosynyń basshysy daǵdarys aýdanyn oqshaýlaý jónindegi tapsyrmalardyń oryndalýynyń uiymdastyrylý máseleleri boiynsha desanttyq-shabýyldaý áskerleriniń qolbasshysyn tyńdap, bólimshelerdiń ornalasqan bekinisterin, komandalyq pýnkti men materialdyq-tehnikalyq qamtamasyz etý pýnktiniń jumysyn tekserdi, sondai-aq, shartty daǵdarys aýdanynda ushyp ótti.
Ótip jatqan kenetten oqý-jattyǵý sheńberinde «Mátibulaq» poligonynda daǵdarys aýdanyn barlaý uiymdastyryldy. Barlaý toptary ushqyshsyz ushý apparattary aiqyndaǵan jáne jerdiń ǵaryshtyq keskinderinen alynǵan derekter negizinde nysandardy barlaýdy júrgizdi.
Arnaiy maqsattaǵy bólimsheler zańsyz qarýly quralymdardyń shartty toptaryn anyqtady. Qolbasshylyqpen daǵdarys aýdanyn oqshaýlaý jóninde sheshim qabyldandy. Desanttyq-shabýyldaý bólimsheleri jaýyngerlik tehnikada shoǵyrlaný aýdandarynan kórsetilgen baǵdarlar arqyly jyljydy jáne túsirilgen taktikalyq áýe desantymen birlese jergilikti jerdi oqshaýlady. Ol jerden boljaldy qarsylas tabyldy.
Qorǵanys vedomstvosynyń basshysy qondyrý tásili arqyly daǵdarys aýdanynyń asa mańyzdy shepteri men jerdiń ýchaskelerinde taktikalyq áýe desantynyń túsirilýin baqylady.
Qozǵalystyń negizgi baǵyttarynda blok-beketter óristetilip, komendanttyq qyzmet uiymdastyryldy. Kelip-ketip jatqan avtomobilder men azamattardy jiti tekserý júrgizilýde. Daǵdarys aýdanyna irgeles ornalasqan eldi mekenderde diversiiaǵa qarsy qaýipsizdikti uiymdastyrý boiynsha is-sharalar kúsheitildi.
Oqý-jattyǵý sheńberinde QR Qorǵanys ministri arnaiy áskeri is-qimyldardy júrgizý amaldary men tásilderin jáne basqarý pýnktteriniń jumysyn uiymdastyrý tártibin jetildirý jóninde nusqaýlar berdi.
Odan basqa, qorǵanys vedomstvosynyń basshysy Qurlyq áskerleri Áskeri institýtynyń oqý-jattyǵý ortalyǵyna baryp, dalalyq jaǵdaidaǵy kýrsanttardyń daiyndyq barysyn tekserdi. Qorǵanys ministri kýrsanttardy daiarlaý júiesin jetildirý jóninde institýt basshylyǵyna nusqaýlar berdi.
.jpeg)