QR qarjy vitse-ministri taǵaiyndaldy, - dep habarlaidy "Ult aqparat" vedomstvonyń baspasóz qyzmetine silteme jasap.
"Qazaqstan Respýblikasy Qarjy ministriniń buiryǵymen Berik Sholpankulov Qazaqstan Respýblikasy Qarjy ministrligi Qarjy monitoring qomitetiniń tóraǵasy basqa qyzmetke aýysýyna bailanysty laýazymynan bosatyldy jáne Qazaqstan Respýblikasy Úkimetiniń 2016 jyly 14 jeltoqsandaǵy №870 qaýlysyna sáikes Qazaqstan Respýblikasy Qarjy vitse-ministri bolyp taǵaiyndaldy", - delingen habarlamada.
Qazaqstan Respýblikasy Qarjy ministriniń 2016 jylǵy 9 qarashadaǵy №462-l/s Berik Sholpanqululy Sholpanqulov Qazaqstan Respýblikasy Qarjy ministrligi Qarjy monitoringi komitetiniń tóraǵasy etip taǵaiyndaldy.
Berik Sholpanqululy 1976 jyly týylǵan, qazaq, bilimi joǵary. 1996 jyly Qazaq memlekettik agrarlyq ýniversitetin "Býhgalterlik esep, baqylaý jáne sharýashylyq qyzmetin taldaý" mamandyǵy boiynsha, 2016 jyly - Qazaqstan Respýblikasynyń Tuńǵysh Prezidenti - Elbasy atyndaǵy ulttyq qorǵanys ýniversitetin "Áskeri jáne memlekettik basqarý" mamandyǵymen bitirgen.
Óz eńbek jolyn 1996 jylǵy qazanda Qazaqstan Respýblikasy Qarjy ministrliginiń janyndaǵy Qazynashylyq komitetinde Kassalyq qarajat jáne memlekettik borysh basqarmasynyń qolma-qol aqshany basqarý bóliminiń qazynashysy laýazymynan bastady. Osy komitettiń bas qazynashysy, bólim bastyǵy bolyp jumys istedi.
2001 jylǵy qazannan bastap 2004 jylǵy shilde arasynda - Qazaqstan Respýblikasy Qarjy ministrliginiń Qazynashylyq komiteti Qolma-qol aqshany basqarý jáne memlekettik mindettemelerdi esepke alý basqarmasynyń bastyǵy. 2004 jylǵy shildeden bastap 2008 jylǵy jeltoqsan aralyǵynda Qazaqstan Respýblikasy Qarjy ministrliginiń Qazynashylyq komiteti tóraǵasynyń orynbasary laýazymyn atqardy.
2008 jylǵy jeltoqsannan bastap 2014 jylǵy maýsym aralyǵynda - Qazaqstan Respýblikasynyń Qarjy vitse-ministri. 2014 jylǵy shildeden bastap Qazaqstan Respýblikasy Qorǵanys ministriniń ekonomika jáne qarjy jónindegi orynbasary.
Úilengen, eki uly jáne bir qyzy bar.
.jpeg)