Almatyda IIM-niń politsiia podpolkovnigi men aǵa tergeýshisi 30 myń AQSh dollary kóleminde para alyp jatqan jerinde ustaldy, dep habarlaidy "Ult aqparat".
QR Memlekettik qyzmet isteri jáne sybailas jemqorlyqqa qarsy is-qimyl agenttigi Almaty qalasy boiynsha departamentiniń resmi ókili Nurlan Jahinniń aitýynsha, politseiler 3 qańtar kúni ustalǵan.
«Almaty qalasynda QR Ishki ister ministrliginiń Ońtústik aimaqtyq uiymdasqan qylmyspen kúres basqarmasynyń podpolkovnigi A. Grigorev pen QR IIM Tergeý departamentiniń aǵa tergeýshisi, kapitan A.Nurbolatov jeke tulǵadan ony qylmystyq jaýapkershilikke tartpaý úshin 30 myń AQSh dollary kóleminde para alyp jatqan kezinde ustaldy», - delingen habarlamada.
Kúdiktiler Almaty IID ýaqytsha ustaý izoliatoryna qamaldy. Sotqa deiingi tergeý júrip jatyr.
