Ishki ister ministriniń birinshi orynbasary Janat Súleimenov atyshýly videodan keiin quqyq qorǵaý organdarynan qýylǵan politseige qatysty túsinikteme berdi, dep habarlaidy "Ult aqparat".
Buǵan deiin jelide Qaraǵandy akademiiasy birinshi kýrs basshysynyń orynbasary A.Tastaibekovtiń Jańa jylmen qylmys álemindegi jargonmen quttyqtap jatqany jaily video taraǵan edi. Jelini shýlatqan videodan keiin qyzmetker ishki ister organdarynan qýyldy.
Súleimenov politsiia qatarynan ketken qyzmetkerdiń oqytýshy bolmaǵanyn atap ótti.
"Atalǵan fakti boiynsha QR IIM Ózindik qaýipsizdik departamenti qyzmettik tergeý júrgizdi. Nátijesinde kýrs basshysynyń orynbasary ishki ister organdarynan qýyldy. Bolashaqta ol ishki ister organdaryna jumysqa tura almaidy", — dedi ministrdiń birinshi orynbasary OKQ-de ótken brifingte.
Buǵan qosa, onyń aitýynsha, atalǵan kýrstyń basshysy men akademiia basshysynyń mindetin atqarýshy da qyzmetinen bosatylǵan.
"Al akademiianyń jańa basshysy Jańa jyldan keiin taǵaiyndaldy. Biraq akademiia basshysy, politsiia general-maiory Jan Tabyldinuly Kenjetaevtyń jumystan bosatylýy bul ispen bailanysty emes. Óitkeni ol jeltoqsan aiynyń basynda jasynyń kelýine bailanysty qyzmetinen bosatý týraly raport berdi. Sondyqtan bul jerde jai ǵana sáikestik bolyp otyr", — dedi Súleimenov.
