Qarabaev Marat Kárimjanuly QR Indýstriia jáne infraqurylymdyq damý ministrligi Indýstrialdyq damý jáne ónerkásiptik qaýipsizdik komitetiniń tóraǵasy laýazymyna taǵaiyndaldy, dep habarlaidy ministrliktiń baspasóz qyzmeti.
Marat Kárimjanuly Qarabaev 1987 jyly 4 shildede dúniege kelgen. 2010 jyly «Bolashaq» baǵdarlamasy boiynsha Ýorvik (Ulybritaniia) ýniversitetin – «Óndiristik-júielik injeneriia» mamandyǵy boiynsha úzdik aiaqtaǵan, 2015 jyly M.H. Dýlati atyndaǵy Taraz memlekettik ýniversitetin «Ekonomika» mamandyǵy boiynsha aiaqtaǵan.
Túrli jyldary memlekettik qurylymdarda qyzmet atqardy. 2011 men 2013 jyldary QR Aýyl sharýashylyǵy ministrligi, QR Indýstriia jáne jańa tehnologiialar ministrliginde sarapshy jáne bas sarapshy bolyp qyzmet atqardy. 2013 jyldan QR Kólik jáne kommýnikatsiialar ministrliginiń Tranzit jáne kólik logistikasy departamentinde basqarma basshysy laýazymynda qyzmet atqardy. 2014 jyly – Ońtústik Qazaqstan oblysynyń Kásipkerlik jáne indýstrialdy-innovatsiiadyq damý basqarmasy basshysynyń orynbasary. 2015 jylǵy qarashadan bastap 2017 jyl aralyǵynda Ońtústik Qazaqstan oblysynyń Kásipkerlik, indýstrialdy-innovatsiiadyq damý jáne týrizm basqarmasynyń basshysy laýazymynda boldy.
2018 jylǵy mamyrdan 2020 jylǵy shilde aralyǵynda QR Qorǵanys jáne aeroǵaryshtyq ónerkásip ministrliginde, QR Tsifrlyq damý, qorǵanys jáne aeroǵaryshtyq ónerkásip ministrliginiń, sosyn QR Indýstriia jáne infraqurylymdyq damý ministrliginiń Qorǵanys ónerkásibi keshenin damytý departamentiniń direktory boldy.
