QR Úkimetiniń qaýlysymen Serik Salavatuly Qojaniiazov ekologiia, geologiia jáne tabiǵi resýrstar vitse-ministri qyzmetine taǵaiyndaldy, dep habarlaidy "Ult aqparat" QR Premer-Ministriniń baspasóz qyzmetine silteme jasap.
Serik Qojaniiazov 1965 jyly Qyzylorda qalasynda dúniege kelgen. 1989 jyly Kýzbass politehnikalyq institýtyn, 2002 jyly L. Gýmilev atyndaǵy Eýraziia ulttyq ýniversitetin támamdaǵan.
Eńbek jolyn 1989 jyly jóndeý-mehanika zaýytynda injener-tehnolog bolyp bastaǵan. Ár jyldary jeke sektorda jumys istegen.
1999-2000 jyldary — Investitsiia tartý jáne qor naryǵyn damytý ortalyǵynyń direktory.
2001-2005 jyldary — Qyzylorda oblysy ákimi apparatynyń indýstriialyq-innovatsiialyq damý bóliminiń meńgerýshisi.
2005-2007 jyldary — Qyzylorda oblysynyń kásipkerlik jáne ónerkásip departamentiniń direktory.
2007-2008 jyldary — Qyzylorda qalasynyń ákimi.
2008-2014 jyldary QR Premer-Ministriniń Keńsesinde túrli laýazymdarda qyzmet atqarǵan.
2014-2019 jyldary — Qyzylorda oblysy ákiminiń orynbasary, QR Prezidentiniń «Baiqońyr» keshenindegi arnaiy ókili.
2019 jyldan bastap qazirgi tańǵa deiin QR Prezidenti Ákimshiliginiń memlekettik inspektory bolyp jumys istedi.
