Foto: Úkimet
Memleket basshysynyń tapsyrmasyna sáikes jasandy intellekt boiynsha arnaiy ýniversitet qurylady. Bul týraly QR ǵylym jáne joǵary bilim ministri Saiasat Nurbek Úkimet otyrysynda málimdedi, dep habarlaidy Ult.kz.
Ministr ýniversitet indýstriianyń suranystaryna sáikes pánaralyq baǵyttar boiynsha kadrlar daiarlaýǵa, sondai-aq qoldanbaly ǵylymi zertteýler júrgizýge baǵyttalatynyn atap ótti.
Oqý orny Alem.ai ekojúiesine biriktirilip, jetekshi sheteldik ýniversitettermen jáne tehnologiialyq kompaniialarmen áriptestikte damidy.
"Búgingi tańda jasandy intellektti damytý boiynsha aýqymdy jumystar júrgizilýde. Sonymen qatar alda jasandy intellekt ýniversitetin qurýmen qatar birqatar júieli sharany júzege asyrý mindeti tur.
Negizgi maqsat – professor-oqytýshylar quramyn jasandy intellekt boiynsha biliktilikti arttyrý baǵdarlamalarymen 100% qamtý jáne 100 myń stýdentti tarta otyryp, AI-Sana baǵdarlamasynyń kelesi kezeńin júzege asyrý", — dep tolyqtyrdy Saiasat Nurbek.
Buǵan deiin ministr 95 ýniversitet oqý josparyna JI-ge qatysty pánderdi engizgenin aitty.
