Qazaqstan Respýblikasy Úkimetiniń qaýlysymen Talǵat Iliiasuly Eshenqulov QR Bilim jáne ǵylym vitse-ministri laýazymynan bosatyldy. Bul týraly QR Premer-ministriniń baspasóz qyzmeti habarlady.
Bilim jáne ǵylym ministriniń buiryǵymen QR BǴM Bilim jáne ǵylym salasyndaǵy baqylaý komitetiniń tóraǵasy laýazymyna taǵaiyndaldy.
Talǵat Eshenqulov 1978 jyly Jambyl oblysynda dúniege kelgen. 1999 jyly M. H. Dýlati atyndaǵy Taraz memlekettik ýniversitetin, 2000 jyly — «Qainar» ýniversitetin, 2010 jyly — QR Prezidenti janyndaǵy Memlekettik basqarý akademiiasyn támamdaǵan. Ekonomist, zańger, memlekettik jáne jergilikti basqarý doktory (PhD).
Eńbek jolyn 1997 jyly bastaǵan. Jambyl oblysy Ádilet basqarmasynda, Qarjy ministrliginde, Bilim jáne ǵylym ministrliginde, Joǵarǵy Keńeste, Qorshaǵan ortany qorǵaý ministrliginde, QR Esep komitetinde ártúrli laýazymdardy atqarǵan.
.jpeg)