QR Bilim jáne ǵylym ministrligindegiler 11-synyp oqýshylarynyń oqý jylyn "uzartý" týraly qaýesetke qatysty pikir bildirdi, - dep habarlaidy kaz.tengrinews.kz. BǴM ókilderiniń aitýynsha, barlyq mektep oqýshysynda oqý jyly ádettegidei ýaqytta aiaqtalady.
"Biz oqý jylyn uzartpaimyz. 11-synyp oqýshylarynyń oqý jyly josparlanǵandai ýaqytta aiaqtalady, iaǵni olardyń oqý jyly 1 maýsym men 10 maýsym aralyǵynda bitirý emtihanyn tapsyrǵan soń aiaqtalady. Eshqandai ózgeris bolǵan joq. 11-synyptar rasynda 1 shildeden bastap bosatylady. Sebebi mektep odan keiingi ýaqyt boiy túlekterdi tirkeý men olardy UBT-ta jiberýge qatysty jaýapkershilikti óz moinyna alady. Biz Bilim jáne ǵylym ministrliginiń resmi saityndaǵy resmi málimetterge ǵana senýlerińizdi suraimyz", - dedi vedomstvo ókilderi.
Eske sala keteiik, osyǵan deiin premer-ministrdiń orynbasary Dariǵa Nazarbaeva jazǵy demalystyń 1 shildeden bastalýyn durys dep esepteitinin málimdegen bolatyn. Al keiinirek bilim jáne ǵylym ministri Erlan Saǵadiev premer-ministrdiń orynbasary Dariǵa Nazarbaevanyń oqý jylyn 1 shildege deiin uzartý týraly usynysyna qatysty pikir bildirgen edi. "Biz balalardyń bilimdi ári básekege qabiletti bolǵanyn qalaimyz. Adam jyl ótken saiyn kóbirek jumys istep, kóbirek oqi túsetinin bilemiz. Adamnyń kóp kólemdegi aqparatty este saqtaýy úshin ózgeris engizemiz. Sáikesinshe, baǵdarlama da ózgertilip, bes kúndik oqý aptasyna kóshemiz. Oqý jyly da sáikesinshe eki-eki jarym aptaǵa uzartylady", - dep aitqan bolatyn ministr.
