Búgin Shanhai yntymaqtastyǵy uiymyna múshe memleketter Bas prokýrorlarynyń kezekti otyrysy ótti, dep habarlaidy "Ult aqparat".
Beinekonferentsbailanys rejiminde ótken Shanhai yntymaqtastyǵy uiymyna (ShYU BP) múshe memleketter Bas prokýrorlarynyń 18-shi otyrysyna Qazaqstan Respýblikasynyń Bas prokýrory Ǵizat Nurdáýletov qatysty.
Sondai-aq sharaǵa Úndistan, Iran, Pákistan, Qytai, Kambodja, Aýǵanstan, Mońǵoliia, Resei, Tájikstan, Ózbekstan, Qyrǵyzstan, Belarýs, Ázerbaijan, Armeniia Bas prokýrorlary men ýákiletti tulǵalary, Halyqaralyq prokýrorlar qaýymdastyǵynyń jáne ShYU-nyń Lańkestikke qarsy óńirlik qurylymnyń Hatshylyǵy men Atqarýshy komitetiniń ókilderi qatysty.
Otyrys barysynda ShYU-ǵa múshe memleketterdiń prokýratýralary qyzmetiniń tájiribesimen, sybailas jemqorlyqtyń aldyn alý men oǵan qarsy kúrestiń zamanaýi praktikasymen jáne tiimdi ádisterimen almasý ótti.
Qazaqstannyń Bas prokýrory ShYU-ǵa múshe memleketterdiń zamanaýi aqparattyq ózara is-qimylynyń, onyń ishinde zańsyz shyǵarylǵan aktivterdi qaitarý mehanizmin engizý qajettiligin atap ótti.
Otyrys qorytyndysy boiynsha halyqaralyq yntymaqtastyqty nyǵaitý jáne keńeitý, qylmystyq ister boiynsha quqyqtyq kómek kórsetýdiń tiimdiligin arttyrý úshin qajetti jaǵdailar jasaý jáne ShYU-ǵa múshe memleketterdiń bilim berý uiymdary arasyndaǵy yntymaqtastyqty damytý týraly sheshim qabyldandy.
