Aýyr atletikadan QR ulttyq quramasynyń bapkeri Iýrii Melnikov komandanyń Álem chempionatynan shettetilgeni jaily aqparatty joqqa shyǵardy, dep habarlaidy Ult.kz tilshisi «QazAqparat» agenttigine silteme jasap.
«Áli eshkim álem chempionatyna qatysýdan shettetý týraly sheshim shyǵarǵan joq. Bul másele qyrkúiektiń sońynda Býhareste qaralady. Al qazirge BAQ quddy bir Qazaqstan quramasy shettetilgendei jazyp júr - ol ótirik aqparat. Taǵy da qaitalaimyn, komissiia otyrysy qyrkúiektiń sońynda Býhareste ótedi, tek sonda ǵana sheshim shyǵarylady», - dep pikir bildirdi Qazaqstannyń aýyr atletika qurama komandasynyń bapkeri Iýrii Melnikov.
Eske sala keteiik, BAQ aýyr atletikadan Qazaqstan quramasy Anahaimda (AQSh) ótetin 2017 jylǵy álem chempionatyna qatyspaityny jaily habar taratqan edi. Qazaqstan ÁCh-2017 jarystaryna qatysýdan shettetilgen toǵyz komandanyń qatarynda dep habarlanǵan. Tizimdegi qalǵan segiz komanda Resei, Qytai, Belarýs, Ázerbaijan, Armeniia, Túrkiia, Ýkraina jáne Moldaviia quramalary bolatyn.
