Madiiar Qojahmet QR Aqparat jáne qoǵamdyq damý ministrligi Azamattyq qoǵam isteri komitetiniń tóraǵasy bolyp taǵaiyndaldy, – dep habarlaidy ministrliktiń baspasóz qyzmeti.
Ministrlikten málim etkendei, M.Qojahmet bos laýazymǵa rotatsiia tártibimen taǵaiyndaldy.
Madiiar Dúisenbaiuly Qojahmet 1984 jyly dýniege kelgen. 2007 jyly L.N. Gýmilev atyndaǵy Eýraziia ulttyq ýniversitetin bitirgen, halyqaralyq quqyq magistri. 2008 jyly Cheh memlekettik qoǵamdyq ǵylymdar ýniversitetin aiaqtaǵan, ekonomika jáne menedjment magistri.
2003- 2006 jyldary - «Qazaqstannyń jastar kongresi» ZTB áleýmettik-ekonomikalyq baǵdarlamalar basqarmasynyń bastyǵy, oryndaýshy direktory;
2006-2008 jyldary - «Qazaqstannyń jastar kongresi» ZTB Chehiiadaǵy ókili; 2008 jyly - QR Bilim jáne ǵylym ministrligi Tárbie jumysy jáne jastar saiasat departamenti direktorynyń orynbasary;
2008-2012 jyldary - QR Bilim jáne ǵylym ministrligi Tárbie jumysy jáne jastar saiasaty departamentiniń direktory;
2012-2014 jyldary - QR Prezidenti Ákimshiligi memleketti qadaǵalaý jáne uiymdastyrýshylyq-aýmaqtyq jumystary bóliminiń inspektory;
2014-2017 jyldary - Soltústik Qazaqstan oblysy ákimdiginiń apparat basshysy;
2017-2019 jyldary - Soltústik Qazaqstan oblysy ákiminiń orynbasary;
2019-2020 jyldary - QR Aqparat jáne qoǵamdyq damý ministrligi Jastar jáne otbasy isteri komitetiniń tóraǵasy.
