Búgin fýtboldan Premer-liga komandalary arasynda Qazaqstan chempionatynyń 19-týrynda taǵy úsh oiyn aiaqtaldy, dep habarlaidy "Ult aqparat".
Chempiondyq ataqqa birneshe týr buryn qol jetkizgen Almatynyń «Qairaty» bul týrda Petropavldyń «Qyzyljar» klýbymen kezdesti. Oiyn barysynda almatylyq klýb negizinen jastarǵa senim artty. Esepti 16-minýtta almatylyq Daniiar Úsenov ashsa, oǵan 22-minýtta petropavldyq Maksim Drachenko penaltiden bir golmen jaýap qaiyrdy.
Al 26-minýtta Shota Grigalashvilidiń soqqan golynan keiin «Qyzyljar» komandasy alǵa shyqty. «Qairat» oiynshysy Andrei Ýlshin 32-minýtta tarazy basyn teńestirdi. Oiyn núktesin 92-minýtta petropavldyq Timýr Mýldinov qoidy. «Qairat» qarsylasynan 2:3 esebimen jeńilip qaldy.
Úzdik úshtikke umtylyp júrgen «Ordabasy» búgin oilamaǵan jerden Qyzylordanyń «Qaisar» komandasynan 0:3 esebimen jeńilip qaldy. «Qaisar» sapynan Ivan Graf 51, Ashat Taǵybergen 70, 75 minýttarda gol soqty.
Al «Jetisý» men «Taraz» kezdesýinde tarazdyq Deian Bolevich jambyldyq klýbqa jeńis syilady. Osylaisha olar qarsylasynan 1:0 esebimen basym tústi.
Atalǵan týrdy «Kaspii» jáne «Oqjetpes» komandalary qorytyndylaidy. Oiyn elorda ýaqytymen 17.00-de bastalady.
