Búgin fýtboldan Premer-liga komandalary arasyndaǵy Qazaqstan birinshiliginiń 29-týrynyń úsh oiyny ótkizildi, dep habarlaidy "Ult aqparat".
Alǵashqy oiyn Kókshetaý qalasynda bolyp ótti. Jergilikti «Oqjetpes» týrnir kestesinde sońǵy oryndardyń birinde kele jatqan «Taraz» komandasyn qabyldady. Oiynnyń 20-minýtynda «Oqjetpestiń» jartylai qorǵaýshysy Milan Stoianovich esep ashty. Odan keiin kókshetaýlyq komanda sapynan Danilo Almeida Alves 28-minýtynda esepti ústemelei tústi. Odan keiin «Taraz» komandasynan Álisher Súlei 43, Elgýdja Lobjanidze 66 jáne 90-minýttarda eki gol soǵyp ketti. Nátijesinde «Taraz» syrt alańda qarsylasynan 3:2 esebimen basym tústi.
Taldyqorǵannyń «Jetisýy» óz alańynda Pavlodardyń «Ertisin» 2:1 esebimen tize búktirdi. Oiynyń 9-minýtynda pavlodarlyq Rýslan Esimov esep ashqan edi. Odan keiin alań ieleri qatarynan Aslan Darabaev 55, Martin Toshev 88-minýtta bir-bir goldyń avtory atandy.
Týrnir kestesinde kósh basynda kele jatqan Almatynyń «Qairaty» eń sońǵy oryndaǵy «Aqtóbe» komandasyn 6:0 eebimen oisyrata jeńdi. Esepti 4-minýtta almatylyq Konrad Vrjeshinskii ashty. Odan keiin Marton Eppel 6-minýtta mergendik tanytsa, 54-minýtta Ǵafýrjan Súiimbaev aqtóbelik qaqpashyny qapy qaldyrdy. Al 58-minýtta almatylyq taǵy bir oiynshy Aderinsola Eseola esepti ulǵaita tústi. Al 60-minýtta Baýyrjan Islamhan penaltidi múltiksiz oryndady, 68-minýtta Marton Eppel taǵy bir márte qanjyǵasyn mailady. Osylaisha «Qairat» «Aqtóbeni» oisyrata jeńdi.
Endi 6 qazanda «Ordabasy» men «Astana» komandalary kezdesedi. Bul týrdaǵy «Qaisar» men «Tobyl», «Shahter» men «Atyraý» arasyndaǵy kezdesý 30 qazanǵa aýystyryldy. Óitkeni, 6 qazan kúni Qazaqstan kýbogynyń finalynda «Qaisar» men «Atyraý» komandalary sheberlik baiqasady.
