Fýtboldan Premer-liga komandalary arasyndaǵy el birinshiliginiń 22-týrynda elordalyq «Astana» kezekti jeńisine qol jetkizdi, dep habarlaidy QazAqparat.
Elordalyq klýb búgin óz alańynda «Taraz» komandasyn qabyldady. Oiyn barysynda «Astana» qarsylastar qaqpasyna jaýapsyz úsh gol soqty. Ony Marin Tomasov 1, 21, Tigran Barsegian 7-minýttarda óziniń enshisine jazdy.
Osylaisha «Astana» 3:0 esebimen jeńiske jetip, týrnir kestesinde 50 upaimen kósh basyna shyqty. Qazir olar chempiondyqtan taǵy bir úmitker sanalyp júrgen «Tobyldan» tórt upaiǵa uzap ketti. Degenmen qostanailyq klýb qazir syrt alańda «Atyraýmen» kezdesýde. Taǵy bir oiynda «Ordabasy» men «Kaspii» sheberlik baiqasyp jatyr.
Sondai-aq, búgin «Aqjaiyq» pen «Qaisar» 1:1 esebimen teń oinady.
Al 26 qyrkúiekte Almatynyń «Qairaty» syrt alańda Qaraǵandynyń «Shahterimen» 1:1 esebine qanaǵat bildirdi. Túrkistannyń «Turany» syrt alańda Petropavldyń «Qyzyljaryn» 1:0 esebimen tize búktirse, óz alańynda «Aqtóbe» Taldyqorǵannyń «Jetisýynan» 2:0 esebimen basym tústi.
